Малеев Александр Петрович

Малеев Александр Петрович
Зат	ир-ат
Тыуған көнө	1869
Вафат булған көнө	билдәһеҙ
Һөнәр төрө	сәйәсмән
Биләгән вазифаһы	Рәсәй империяһының Дәүләт думаһы ағзаһы[d]
Сәйәси фирҡә ағзаһы	Партия народных социалистов[d]

Александр Петрович Малеев (1869 йыл — ?) — земство хеҙмәткәре, Өфө губернаһынан Рәсәй империяһының II саҡырылыш Дәүләт Думаһы депутаты.

Биографияһы

Александр Петрович Малеев 1869 йылда Өфө губернаһында тыуа. Нәҫел буйынса килгән почетлы граждан. Өфө гимназияһында уҡый, артабан белем алыуын Өфө дини семинарияһында дауам итә, һуңынан Томск университетына инә, унда бер үк ваҡытта ике: юридик һәм медицина факультеттарында уҡый. Әммә курсын тамамлай алмай, сөнки студенттар хәрәкәтендә ҡатнашҡаны өсөн уҡыуҙан сығарыла. Кире тыуған еренә — Өфө губернаһына ҡайта.

Өфөлә приказчиктар ойошмаһын булдырыу инициативаһы менән сығыш яһай. Хосуси һәм хеҙмәткәрҙәр эшенә үҙ-ара ярҙам итеү йәмғиәтен булдырыусыларҙың береһе. Өфө земствоһының китап складында мөдир булып эшләй, йыллыҡ эш хаҡы 900 һум була.

1907 йылдың 6 февралендә Өфө губернаһынан Рәсәй империяһының II саҡырылыш Дәүләт Думаһына һайлана. Халыҡ-социалистик хеҙмәт партияһы ағзаһы, халыҡ социалистары фракцияһы составына инә. Думаның урындағы идара һәм үҙидара, бүлеү буйынса комиссияларҙа тора. «Хәрби-ялан судтарынан баш тартыу тураһында» закон проекты буйынса фекер алышыуҙарҙа ҡатнаша.

Артабанғы яҙмышы һәм вафат булыу датаһы билдәһеҙ.

Әҙәбиәт

• Боиович М. М. Члены Государственной думы (Портреты и биографии). Второй созыв. М.: Тип. Товарищества И. Д. Сытина. 1907. С. 366.
• Рышкевич М. Е. Малеев, Александр Петрович // Государственная дума Российской империи: 1906—1917. Б. Ю. Иванов, А. А. Комзолова, И. С. Ряховская. Москва. РОССПЭН. 2008. C. 346(недоступная ссылка).

Иҫкәрмәләр

Сығанаҡ

• Малеев Александр Петрович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

Архивтар

• Российский государственный исторический архив. Фонд 1278. Опись 1 (2-й созыв). Дело 262; Дело 555. Лист 5.