Сәғитов Рәсүл Хәсән улы

Википедия — ирекле энциклопедия мәғлүмәте
(Рәсүл Сәғитов битенән йүнәлтелде)
Перейти к навигации Перейти к поиску
Сәғитов Рәсүл Хәсән улы
Рәсем
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 14 март 1964({{padleft:1964|4|0}}-{{padleft:3|2|0}}-{{padleft:14|2|0}}) (55 йәш)
Тыуған урыны СССР, РСФСР, Башҡорт АССР-ы, Бөрйән районы, Иҫке Монасип ауыл советы, Нәби ауылы
Туған тел башҡорт теле
Яҙма әҫәрҙәр теле башҡорт теле һәм рус теле
Һөнәр төрө журналист, яҙыусы, радиожурналист
Маҡтаулы исемдәре һәм башҡа бүләктәре
Уҡыу йорто Башҡорт дәүләт университеты
Башҡортостан Республикаһы Башлығы ҡарамағындағы Башҡортостан дəүлəт хеҙмəте һəм идара итеү академияһы
Эшмәкәрлек йылдары 1981

Сәғитов Рәсүл Хәсән улы (14 март 1964 йыл) — башҡорт радиожурналисы, яҙыусы һәм тәржемәсе. Рәсәйҙең һәм Башҡортостандың Журналистар һәм Яҙыусылар союздары ағзаһы. Рәсәй Федерацияһының атҡаҙанған мәҙәниәт (2016), Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2004), Башҡортостан Хөкүмәтенең Шәһит Хоҙайбирҙин исемендәге премияһы лауреаты (2005).

Биографияһы[үҙгәртергә | вики-тексты үҙгәртергә]

Рәсүл Хәсән улы Сәғитов 1964 йылдың 14 мартында Башҡорт АССР-ының (хәҙер Башҡортостан Республикаһы) Бөрйән районы Нәби ауылында тыуған.

1981 йылда Иҫке Монасип урта мәктәбен тамамлағандан һуң бер нисә ай "Ҡыҙыл таң" колхозында эшләй, ноябрҙә комсомол юлламаһы менән райондың «Таң» гәзите редакцияһына эшкә ебәрелә.

Чита ҡалаһында Хәрби-Һауа Көстәрендә хеҙмәт итеп ҡайтҡас (1982-1984), Башҡорт дәүләт университетының филология факультетында юғары белем ала (1990).

1990-1991 йылдарҙа — Белорет районының «Урал» гәзите хеҙмәткәре, Белорет ҡалаһының 1-се мәктәбендә уҡытыусы.

1991 йылда «Башҡортостан» дәүләт телевидение һәм радиотапшырыуҙар компанияһына күсә: «Башҡортостан эфиры» гәзите хәбәрсеһе, радиотапшырыуҙар студияһында өлкән мөхәррир, телевидениела ижтимағи-сәйәси программалар ижад берекмәһе етәксеһе, «Башҡортостан эфиры» гәзитенең баш мөхәррире, радиола комментатор була.

Әлеге ваҡытта — «Башҡортостан» дәүләт телевидение һәм радиотапшырыуҙар компанияһы дәүләт унитар предприятиеһының «Юлдаш» радиоһында ижтимағи-сәйәси тапшырыуҙар бүлеге етәксеһе[1].

‎Башҡортостан Республикаһы Президенты ҡарамағындағы Дәүләт хеҙмәте һәм идара итеү академияһының юридик факультетын (1998) тамамлай, Мәскәү Телевидение һәм радио хеҙмәткәрҙәре һөнәрен камиллаштырыу институтында уҡый (2001).

Йәмәғәт эшмәкәрлеге[үҙгәртергә | вики-тексты үҙгәртергә]

Радиожурналистикалағы хеҙмәттәре[үҙгәртергә | вики-тексты үҙгәртергә]

«Даирә», «Асыҡ студия», «Заман һулышы» радиотапшырыуҙары, «Үткән заман», «Мең туғыҙ йөҙ илле алты», «Мең туғыҙ йөҙ етмеш биш» күп сериялы документаль радиофильмдары, «Тарих теҙмәһе» күп сериялы документаль телевизион фильмы, кескәй радиоспектаклдәр, бер нисә нәфис кинофильмдың башҡортсаға тәржемәһе.

«Асыҡ студия»[үҙгәртергә | вики-тексты үҙгәртергә]

Юлдаш Асыҡ студия 01.jpg
Юлдаш Асыҡ студия 02.jpg
Юлдаш Асыҡ студия 03.jpg
Юлдаш Асыҡ студия 04.jpg
Юлдаш Асыҡ студия 05.jpg
Юлдаш Асыҡ студия 06.jpg
30 октябрь 2017. «Асыҡ студия»ла ҡунаҡта Башҡорт Википедияһы ирекмәндәре Рөстәм Нурыев һәм Зәйтүнә Әйле. Рәсүл Сәғитов башҡортса сәй эсергә өйрәтә һәм эш өҫтөндә.

Әҙәби ижады[үҙгәртергә | вики-тексты үҙгәртергә]

Һигеҙ йыйынтыҡта баҫылған хикәйәләре һәм новеллалары уҡыусылар тарафынан йылы ҡабул ителде. Урыҫ телендәге яҙмалары республикала нәшер ителгән «Бельские просторы», «Ватандаш», «ЛИФФТ» журналдарында, шулай уҡ Мәскәүҙә сыҡҡан «Журналист», «Журналистика и медиарынок» журналдарында, «Литературная газета»ла донъя күрҙе.

Китаптары[үҙгәртергә | вики-тексты үҙгәртергә]

  • Күк томан. Коллектив йыйынтыҡ: хикәйәләр һәм новеллалар. — Өфө: Китап. — 1998.
  • Дөрөҫ һүҙ: Балалар өсөн хикәйәләр. — Өфө: Китап. — 2009.
  • Донъя йәме. Хикәйәләр. — Өфө: Эшлекле династия. — 2010.
  • Ямғырҙан һуңғы ҡояш. Хикәйәләр. — Өфө: Ғилем. — 2011.— 128 бит.
  • Имен-аман тороғоҙ! Документаль әҫәр. — Өфө: Китап. — 2013. — 400 бит.
  • Словом красен человек. — Уфа: Китап. — 2017. — 216 с.[2].
  • Алтындан алдын мәсьәлә. — Өфө: Башҡорт энциклопедияһы. — 2017. — 256 бит[3].
  • Такого я мнения. — Уфа: Башкирская энциклопедия. — 2019. — 176 с.
  • Һүҙем менән сығам илемә. — Өфө: Прокопий. — 2019. — 236 бит.

Гәзит һәм журналдарҙа баҫылған әҫәрҙәре, мәҡәләләре, интервьюлары[үҙгәртергә | вики-тексты үҙгәртергә]

Әҙип тураһында матбуғатта[үҙгәртергә | вики-тексты үҙгәртергә]

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • Рәсәй Федерацияһының атҡаҙанған мәҙәниәт хеҙмәткәре (2016)[5]
  • Шәһит Хоҙайбирҙин исемендәге премия лауреаты (2005)
  • Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2004)[6]
  • «2010 йылдағы Бөтә Рәсәй халыҡ иҫәбен алыуҙы үткәреүҙәге хеҙмәттәре өсөн» миҙалы (2012)
  • «2006 йылдағы Бөтә Рәсәй ауыл хужалығы иҫәбен алыуҙа актив ҡатнашҡаны өсөн» билдәһе (2008)
  • Рәсәй Федерацияһы Журналистар союзының Маҡтау грамотаһы (2014)
  • Башҡортостан Республикаһы Журналистар союзының Маҡтау грамотаһы (2014, 2019)
  • Рәсәй Федерацияһы Федераль Йыйылышының Федерация Советы үткәргән «Мәғлүмәти киңлек: Власть — Йәмғиәт — Киң мәғлүмәт саралары» Бөтә Рәсәй конкурсы еңеүсеһе дипломы (2012)
  • Башҡортостан Республикаһы Үҙәк һайлау комиссияһының һайлауҙарҙы яҡтыртыу буйынса үткәргән конкурсы еңеүсеһе дипломы (2012)
  • 2016 йылда Бөтә Рәсәй ауыл хужалығы иҫәбен алыуҙы киң мәғлүмәт сараларында иң яҡшы яҡтыртыуға республика конкурсында өсөнсө урын бирелеүе дипломы (2016)
  • Башҡортостан Республикаһы Хөкүмәтенең «Һөнәре буйынса иң яҡшыһы» номинацияһы дипломы (2017)
  • Рәсәй Федерацияһы Йәмәғәт палатаһының Рәхмәт хаты (2018).
  • Башҡортостан Республикаһының Дәүләт Йыйылышы — Ҡоролтайының Маҡтау грамотаһы (2019).
  • Бөтә донъя башҡорттары Ҡоролтайының «Ал да нур сәс халҡыңа» миҙалы (2019).

Иҫкәрмәләр[үҙгәртергә | вики-тексты үҙгәртергә]

  1. Юлдаш радио.png радиоһы сайты. Ижади төркөм. Рәсүл Сәғитов
  2. 2,0 2,1 Башҡорт журналисы Рәсүл Сәғитовтың алтынсы китабы донъя күрҙе. «Башинформ» мәғлүмәт агентлығы, 2017, 4 апрель  (Тикшерелгән 4 апрель 2017)
  3. Журналист һәм яҙыусы Рәсүл Сәғитовтың сираттағы китабы баҫылды. «Башинформ» мәғлүмәт агентлығы, 2017, 21 сентябрь (Тикшерелгән 21 сентябрь 2017)
  4. Өфөлә билдәле журналист студенттарҙы үҙенең китабы менән таныштырҙы. «Башинформ» мәғлүмәт агентлығы, 2017, 27 апрель (Тикшерелгән 27 апрель 2017)
  5. Рустэм Хамитов вручил государственные награды Российской Федерации и Республики Башкортостан. Сайт Главы Республики Башкортостан, 2016, 29 декабрь (рус.) (Тикшерелгән 29 декабрь 2016)
  6. Информационный портал Республики Башкортостан. О присвоении почетного звания «Заслуженный работник печати и массовой информации Республики Башкортостан» работникам студии радиовещания Государственного унитарного предприятия «Телерадиовещательная компания „Башкортостан“». Указ Президента РБ от 01.10.2004 N УП-484. (рус.) (Тикшерелгән 29 май 2018)

Сығанаҡтар[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]