Камалов Ринат Әлтәф улы

Ринат Камал
Исеме:	Камалов Ринат Әлтәф улы
Псевдонимдары:	Ринат Камал
Тыуған көнө:	28 июнь 1954({{padleft:1954|4|0}}-{{padleft:6|2|0}}-{{padleft:28|2|0}}) (63 йәш)
Тыуған урыны:	Башҡорт АССР-ы Мәсетле районы Дыуан-Мәсетле ауылы,
Гражданлығы:	СССР → Рәсәй
Эшмәкәрлеге:	журналист, яҙыусы
Ижад йылдары:	1993 —
Жанр:	проза
Әҫәрҙәре яҙылған тел:	башҡорт
Дебют:	«Бәлә» (повесть, хикәйәләр, новеллалар, 1993)
Премиялары:
Наградалары:	Башҡортостан Республикаһының атҡаҙанған мәҙәниәт хеҙмәткәре

Ринат Камал, Ринат Камалов, Ринат Әлтәф улы Камалов, (28 июнь 1954) — яҙыусы. Башҡортостан Республикаһының атҡаҙанған мәҙәниәт хеҙмәткәре (1998), Салауат Юлаев исемендәге дәүләт премияһы лауреаты (2010), Мәсетле районының Рәшит Әхтәри исемендәге әҙәбиәт, мәҙәниәт һәм сәнғәт өлкәһендәге премияһы лауреаты (2002).

Биографияһы

Камалов Ринат Әлтәф улы 1954 йылдың 28 июнендә Башҡорт АССР-ы Мәсетле районы Дыуан-Мәсетле ауылында тыуған. Урта мәктәпте тамамлағас, үҙ ауыоларындағы «Комсомолец» колхозында эш башлай. Совет Армияһында хеҙмәт итеп ҡайтҡандан һуң Башҡорт дәүләт медицина институтына уҡырға инә. Әммә әҙәбиәткә булған һөйөүө көслөрәк булып сыға. Беренсе курсты уңышлы тамамлауына ҡарамаҫтан, 1975 йылда Башҡорт дәүләт университетының филология факультетына уҡырға инә.

Университетты тамамлағас (1980), башта Учалы районы Өргөн һигеҙ йыллыҡ мәктәбендә, унан һуң Мәсетле районы Дыуан-Мәсетле урта мәктәбендә башҡорт, рус телдәрен һәм әҙәбиәтен уҡыта.

1985 йылда ғәиләһе менән Өфөгә күсеп килә. Биш йыл БАССР-ҙың Телевидение һәм радиотапшырыуҙар буйынса дәүләт комитетының совет төҙөлөшө һәм әҙәбиәт редакцияларында эшләй.

1990—1991 йылдарҙа Башҡортостан Яҙыусылар союзының пропаганда бюроһы директоры.

1991—2004 йылдарҙа «Ағиҙел» журналының әҙәби тәнҡит бүлеге мөхәррире, Зәки Вәлиди исемендәге республика милли китапханаһында бүлек мөдире.

2005 йылдан Зәйнәб Биишева исемендәге Башҡортостан «Китап» нәшриәтенең нәфис әҙәбиәт мөхәрририәте мөдире.

Ижады

Ринат Камал әҙәбиәткә уҙған быуаттың 90-сы йылдарында, етерлек тормош һәм ижад тәжрибәһе туплап, ныҡлап аяҡ баҫты һәм артабанғы сирек быуат эсендә үҙен таланты яҙыусы итеп танытты. 1993 йылда повесть, хикәйәләр һәм новеллалар тупланған «Бәлә» исемле тәүге китабы менән, тәнҡитсе Суфиян Сафуанов билдәләүенсә, «әҙәбиәтебеҙгә шаҡтай өлгөрөп еткән проза оҫтаһының килеүе тураһында хәбәр» иткән әҙип артабан яңынан-яңы нәҫерҙәрен, хикәйә һәм повестарын уҡыусыға тәҡдим итте. Ул ғына түгел: Ринат Камалдың XXI быуаттағы тәүге ун йыллыҡта нәшер ителгән романдары башҡорт әҙәбиәтендә һиҙелерлек күренеш булды. «„Таня—Таңһылыу“, „Оҙонтал“, „Сабыр йән“, „Әлфирә“, „Ағай-энеләр“ ише романдары менән проза донъяһы байыны, ҡотайҙы. Ринат Камалдың ғына уңыштары түгел, ә тотош нәфис һүҙ сәнғәтебеҙҙең ҡото, ырыҫы тип баһаланырға хаҡлы улар», тип яҙған Рафаль Аҙнағоловҡа ниҙер өҫтәү урынһыҙ.

Китаптары

• Бәлә: Повесть, Хикәйәләр, новеллалар. — Өфө: Китап, 1993. — 192 б.
• Таня—Таңһылыу: Роман һәм повестар. — Өфө: Китап, 1996. — 368 б.
• Мөхәббәт дошмандары: Повестар. — Өфө: Китап, 2001.
• Кеше драмаһы: Романдар. — Өфө: Китап, 2014.
• Оҙонтал: Романдар. — Өфө: Китап, 2004. — 520 б.
• Әлфирә: Ҡатыным тураһында. — Өфө: Ғилем, 2005.
• Әлфирә: Романдар. — Өфө: Китап, 2008.
• Мединститут эше: Роман. — Өфө: Китап, 2015.

Ваҡытлы матбуғаттағы мәҡәләләре

• Бер яланғас йөрәк. «Башҡортостан» гәзите. 2013 йыл, 13 март.

Әҙип һәм уның ижады тураһында

• «Ватандаш» журналында мәҡәлә. Томан эсендәге кешеләр. Рафаэль Аҙнағолов
• Ринат Камалдың «Кеше драмаhы» — ул илебеҙҙең тарихы
• Самый плодовитый в Башкирии писатель получает за роман… 15 тысяч рублей — сайт рус. 
• Кунафин Г. Күңел ятуларын ачучы. «Өмөт» гәзите, 2014
• Ғөбәйҙуллина Ф. Романдар оҫтаһы. , 2014, 2 июль.

Маҡтаулы исемдәре

• Башҡортостан Республикаһының атҡаҙанған мәҙәниәт хеҙмәткәре (1998);
• Мәсетле районының Рәшит Әхтәри исемендәге әҙәбиәт, мәҙәниәт һәм сәнғәт өлкәһендәге премияһы лауреаты (2002);
• Салауат Юлаев исемендәге дәүләт премияһы лауреаты (2010).

Сығанаҡтар

• Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с.
• Башҡорт энциклопедияһында мәҡәлә

Һылтанмалар

• Аралбаева Л. Өфөлә Ринат Камалдың «Мединститут» эше» романының исем туйы үтә. «Башинформ» (2015-12-17). 17 декабрь 2015 тикшерелгән.
• «Литературная карта Республики Башкортостан» сайтында мәҡәлә рус. 
• «Зәйнәб Биишева исемендәге „Китап“ нәшриәте» сайтында мәҡәлә рус. 
• Башҡортстан Республикаһының милли электрон китапханаһында Ринат Камаловтың электрон китаптары (дөйөм исемлек)