Сәлим (исем)

Сәлим

Сәлим — башҡорт ир-ат исеме. Башҡа төрки халыҡтарҙа ла Сәлим исеме киң таралған.

Этимологияһы

Сәлим исеме ғәрәп теленән сәләмәт, иҫән-һау, пак, саф; ябай, кешелекле тигән мәғәнәлә.

Билдәле шәхестәр

• Сәлим I Гро́зный (Яуыз) (ғосм. سليم اول‎ — Selîm-i evvel, төр. Birinci Selim, Yavuz Sultan Selim; 10 октябрь 1465(14651010) — 22 сентябрь 1520) — туғыҙынсы төрөк солтаны һәм 1512 йылдан 88-се хәлиф.
• Сәлим III (ғосм. سليم ثالث‎ — Selîm-i sâlis, төр. Üçüncü Selim; 24 декабрь 1761(17611224) — 28 июнь 1808) — Ғосман империяһының 28-се солтаны (1789 йылдың 7 апреле — 1807 йылдың 29 майы, Мостафа III солтандың улы.
• Сиражетдинов Сәлим Билал улы (рус. Сиражетдинов Салим Билалович) (1913 йыл — 24 май 1978 йыл) — 112-се Башҡорт кавалерия дивизияһы яугиры, гвардия ҡыҙылармеецы. III дәрәжә Дан ордены кавалеры (1945), «Батырлыҡ өсөн» миҙалы (1943) менән бүләкләнгән.
• Бикмәтов Сәлим Түрйән улы (рус. Бикметов Салим Турьянович) (1902 йыл — 10 июль 1942 йыл) — Бөйөк Ватан һуғышында ҡатнашыусы, өлкән лейтенант. 112-се Башҡорт кавалерия дивизияһының 275-се кавалерия полкы политругы.
• Ғөбәев Сәлим Сәрүәр улы (4 июль 1959 йыл) — хужалыҡ эшмәкәре, муниципаль хеҙмәткәр. 2002 йылдан «Керамика» асыҡ акционер йәмғиәтенең генераль директоры, 2019 йылдан — Башҡортостан Республикаһының Бәләбәй ҡалаһы хакимиәте башлығы.

Ауылдар

• Түбәнге Сәлим — Башҡортостан Республикаһының Хәйбулла районындағы юҡҡа сыҡҡан ауыл.
• Үрге Сәлим (рус. Верхнесалимово, элекке исеме Сәлим) — Башҡортостан Республикаһының Йылайыр районындағы ауыл.

Шулай уҡ ҡарағыҙ

• Сәлим — Библиялағы батша ҡалаһы.
• Сәлимиә мәсете (төр. Selimiye Camii) — Әдирнә (Әдирнә иле) ҡалаһында урынлашҡан мәсет.

Сығанаҡтар

• Башҡорт исемдәре / Таңһылыу Күсимова, Cветлана Бикҡолова. — Өфө: Китап, 2005. – 224 бит.
• Күсимова Таңһылыу. Исемдәр донъяһында. Башҡорт исемдәре һүҙлеге, башҡорт һәм рус телдәрендә. — Өфө: Башҡортостан китап нәшриәте, 1991. — 192 бит.
• Сулейманова Р. А. Башкирско-русский словарь-справочник личных имен и фамилий. — Уфа, 2013. — 364 с. ISBN 978-5-91608-111-4.
• Тупеев С. Х. Башкирский именник. Справочник личных имен с написанием вариантов на русском и башкирском языках. — Уфа, 2004.
• Хисамитдинова Ф.Ғ., Султанова Р. И. Русско-башкирский словарь — справочник личных имен, отчеств, фамилий. — Уфа, 2004.
• Хисамитдинова Ф.Ғ., Төпәев С. Х. Төрки сығанаҡлы һәм төрки элементлы башҡорт исемдәре. — Өфө, 2006.

Яңы сығанаҡ өҫтәү өсөн «Ҡалып:Исемдәр донъяһында» сәхифәһен үҙгәртегеҙ