Әтрәкле

Әтрәкле
	Ауыл
	Әтрәкле; татар. Әтрәкле
Ил	Рәсәй
Федерация субъекты	Татарстан
Муниципаль район	Минзәлә
Ауыл биләмәһе	Әтрәкле
Координаталар	55°27′47″ с. ш. 53°21′00″ в. д.HGЯO
Халҡы	295 человек (2000)
Сәғәт бүлкәте	UTC+4
Телефон коды	+7 85555
Почта индексы	423725
Һанлы танытмалар
Автомобиль коды	16, 116
ОКАТО коды	92 240 000 002
ОКТМО коды	92 640 404 101
ГКГН номеры	0158712
Рәсми сайт	atryakle.ru
	Картаны күрһәтергә/йәшерергә Әтрәкле

Әтрәкле — Рәсәй Федерацияһы Татарстан Республикаһы Минзәлә районы ауылы. Әтрәкле ауыл биләмәһе составына керә һәм уның үҙәге булып тора.

География

Ауыл Мышыға йылғаһының һул ҡушылдығы Әтрәкле буйында, Минзәлә ҡалаһынан көньяҡ-көнсығыштараҡ 36 км алыҫлыҡта урынлашҡан^[1].

Тарих

Әтрәкле — байлар ырыуы башҡорттарының ауылы. 1703 йылдан билдәле тип иҫәпләнә^[1]. Ырымбур губернаһы Минзәлә өйәҙе Байлар улусы Мышыға түбәһенә ҡарай. 11-се башҡорт кантоны составында була. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс Поисево улусы составына керә, ә 1918 йылдан Әтрәкле улусының үҙәге була.

1773—1775 йылдарҙағы Крәҫтиәндәр һуғышы осоронда ауылдың 32 кешеһе ихтиласыларҙың яғында Өмөтҡол Тәүкилев старшинаһы отрядында һуғыша.

1848 йылда 3, ә 1870 йылда — 2 һыу тирмәне эшләгән. XIX быуат уртаһында ауылда мәсет һәм уның ҡарамағында мәктәп теркәлгән^[2]^[1].

1920 йылдарҙа ауыл халҡының бер өлөшө Яңы Әтрәкле ауылына (хәҙерге Мөслим районының Ташйылға ауылы) күсә. 1929 йылда ауылда «Ҡыҙылтау» артеле ойошторола, ул 1930 йылда колхоз итеп үҙгәртелә. 1951 йылда был колхоз эреләтелгән «Урал» колхозына керә^[1].

1920 йылдан Татар АССР-ының Минзәлә кантоны, 1930 йылдан — Мөслим районы, 1935 йылдан — Калинин районы, 1944 йылдан — Матвеево районы, 1954 йылдан — Калинин районы, 1959 йылдан — Мөслим районы, 1963 йылдан — Минзәлә районы составында була^[1].

Халҡы

1795 йылда ауылда ир енесле 216 йән башҡорт һәм 17 типтәр; 1816 йылда — 291 башҡорт (шуларҙың 9-ы — ике ҡатынлы, 1-һе — өс ҡатынлы); 1834 йылда — 358 башҡорт (шуларҙың 2-һе — ике ҡатынлы) һәм 23 типтәр; 1870 йылда — 752 башҡорт йәшәй^[2].

Йылдар буйынса халыҡ иҫәбе
(Сығанаҡ: *^[1]*)
1859	1870	1884	1897	1906	1913	1920	1926	1938	1949	1958	1970	1979	1989	2000
643	752	893	993	1051	1227	1094	545	517	328	347	401	355	262	295

Инфраструктура

Игенселек, малсылыҡ үҫешкән. Ауылда башланғыс мәктәп, мәҙәниәт йорто, китапхана, мәсет бар^[1]. Почта, банк бүлексәләре эшләй.

Фотогалерея

Атрякле, вид на Центральную ул.
Сельсовет, почта, банк, милиция
Природа Атрякле
Озера в Атрякле

Иҫкәрмәләр

↑ ^1,0 ^1,1 ^1,2 ^1,3 ^1,4 ^1,5 ^1,6 Татарская энциклопедия. Т. 1. — С. 226.
↑ ^2,0 ^2,1 Асфандияров А. З. Аулы мензелинских башкир. — Уфа: Китап, 2009. — С. 112—116. — 600 с. — ISBN 978-5-295-04952-1.

[ТЭ-1] 1,0 ^1,1 ^1,2 ^1,3 ^1,4 ^1,5 ^1,6 Татарская энциклопедия. Т. 1. — С. 226.

[АМБ-2] 2,0 ^2,1 Асфандияров А. З. Аулы мензелинских башкир. — Уфа: Китап, 2009. — С. 112—116. — 600 с. — ISBN 978-5-295-04952-1.

[1]

[2]