Европа

Европа картаһы

Европа (ингл. Europe, урыҫ. Европа) — Евразия ҡитғаһында урынлашҡан донъя киҫәге. Азия менән бергә Евразия ҡитғаһын барлыҡҡа килтерә. Европа ҡитғаһының майҙаны — 10 млн км², һәм халыҡ һаны — яҡынса 733 млн кеше.

Сиктәре

Хәҙерге ваҡытта Европаның сиктәре:

• Төньяҡта — Төньяҡ Боҙло океан буйынса;
• Көнбайышта — Атлантик океан буйынса;
• Көньяҡта — Урта, Эгей, Мәрмәр, Ҡара, Азов диңгеҙҙәре буйынса;
• Көнсығышта — Уралдың көнсығыш яҡтары буйынса, Эмба йылғаһынан башлап Каспий диңгеҙенә тиклем, Кума һәм Маныч йылғалары буйлап Донға тиклем үтә.

Европаға шулай уҡ яҡынында ятҡан утрауҙар керә.

Европа илдәре

Австрия Албания Германия Андорра Беларусь Бельгия Болгария Босния һәм Герцеговина Бөйөк Британия Ватикан Венгрия Греция Дания Ирландия Исландия Испания

Италия Ҡаҙағстан (өлөшләтә) Латвия Литва Лихтенштейн Люксембург Македония Мальта Молдова Монако Черногория Нидерландтар Норвегия Польша Португалия

Румыния Рәсәй (өлөшләтә) Сан-Марино Сербия Словакия Словения Төркиә (өлөшләтә) Украина Финляндия Франция Хорватия Чехия Швейцария Швеция Эстония

Европа территорияһындағы иң ҙур дәүләт — Рәсәй һәм иң бәләкәсе — Ватикан.