Иҫке Имән

Иҫке Имән
	Иҫке Имән
Дәүләт	Рәсәй
Административ-территориаль берәмек	Сарман районы
Почта индексы	423373

Был терминдың башҡа мәғәнәләре лә бар, ҡарағыҙ: Имән (мәғәнәләр).

Иҫке Имән^[1] (Имән, Көтөүсаз, Көтөүсаз-Имән; татар. Түбән Бикмәт, рус. Нижнее Бикметово) — Рәсәй Федерацияһы Татарстан Республикаһы Сарман районы ауылы.

География

Ауыл Көтөүсаз йылғаһы буйында, Сарман ауылынан төньяҡ-көнсығышҡа табан 23 км алыҫлыҡта урынлашҡан^[2].

Тарих

Ауылға ҫарайлы-мең ырыуы башҡорттары нигеҙ һала. 1765 йылдан билдәле^[1]. Ауыл Ҫарайлы-Мең улусына ҡарай, һуңыраҡ был улус Ырымбур губернаһы (1865 йылдан Өфө губернаһы) Минзәлә өйәҙенә инә. 1866 йылда ырыу улустары бөтөрөлгәс, ауыл Нөркәй административ-территориаль улусы составына керә^[3].

XX быуат башында ауылда 2 мәсет, мәктәп, тимерлек, икмәк магазины, 3 бакалея кибете теркәлгән^[3].

1920 йылдан Татар АССР-ының Минзәлә кантоны, 1921 йылдан Саллы кантоны составында була. 1930 йылдан Сарман районы, 1935 йылдан — Ворошилов районы, 1957 йылдан — Яңы Юл районы, 1959 йылдан — Сарман районы составына керә^[2].

Халҡы

1795 йылда ауылда 65 башҡорт, 134 яһаҡлы татар һәм 4 типтәр; 1870 йылда — 646 башҡорт, 283 татар һәм 39 типтәр (8 башҡорт ғаиләһе Чукмарлы ауылына, ә татарҙар Яңы Имән ауылына күсә); 1912 йылда — 1158 аҫаба башҡорт иҫәпләнгән^[3].

Йылдар буйынса халыҡ иҫәбе
(Сығанаҡ: ^[2]^[1])
1795	1834	1859	1897	1913	1920	1926	1938	1949	1958	1970	1979	1989	2002	2008
203	407	437	915	1158	1232	975	808	425	419	464	340	244	272	251

Иҫкәрмәләр

↑ ^1,0 ^1,1 ^1,2 Населённые пункты камско-икских башкир, входившие в Казанскую и Уфимскую губернии / Иҫке Имән // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
↑ ^2,0 ^2,1 ^2,2 Татарская энциклопедия.
↑ ^3,0 ^3,1 ^3,2 Асфандияров А. З. Аулы мензелинских башкир. — Уфа: Китап, 2009. — С. 168-174. — 600 с. — ISBN 978-5-295-04952-1.

[БЭ-1] 1,0 ^1,1 ^1,2 Населённые пункты камско-икских башкир, входившие в Казанскую и Уфимскую губернии / Иҫке Имән // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

[ТЭ-2] 2,0 ^2,1 ^2,2 Татарская энциклопедия.

[АМБ-3] 3,0 ^3,1 ^3,2 Асфандияров А. З. Аулы мензелинских башкир. — Уфа: Китап, 2009. — С. 168-174. — 600 с. — ISBN 978-5-295-04952-1.

[1]

[2]

[3]