Ағиҙел (хоккей клубы)

Ағиҙел
Ил:	Башҡортостан
Ҡала:	Өфө
Нигеҙләнгән:	2010
Өй аренаһы:	Салауат Юлаев спорт һарайы (3 501 урын)
Төҫтәр:
Хоккей лигаһы:	ҠҠХЛ
Баш тренеры:	Валерий Дәүләтшин
Капитан:	Мария Печникова
Трофейҙар:	ҠҠХЛ чемпионы (2017/18, 2018/19, 2020/21, 2022/23, 2024/25)
Даими миҙгелдә еңеүҙәр:	6 (2017/18, 2018/19, 2019/20, 2022/23, 2023/24, 2024/25)
Рәсми сайт:	hcsalavat.ru
Аффилир КМС:	БЮТ

«Ағиҙел» ҡатын-ҡыҙҙар хоккей клубы — Өфө ҡалаһының шайбалы хоккей командаһы. Клуб Башҡортостандың төп йылғаһы булған Ағиҙел исеме менән аталған. Ул 2010 йылда ойошторола. Биш тапҡыр ҠҠХЛ кубогын еңә һәм алты тапҡыр Рәсәй чемпионы була. Рәсәй чемпионатының биш бронза миҙалын һәм Ҡатын-ҡыҙҙар хоккей лигаһының өс көмөш миҙалын еңеүсе.

Тарихы

2018 йылға тиклем логотибы

Команда 2010 йылда «Рәсәйҙә ҡатын-ҡыҙҙар араһында хоккейҙы үҫтереү» программаһы сиктәрендә барлыҡҡа килә. Башҡортостан республикаһының төп һыу артерияһы — Ағиҙел йылғаһы исеме менән аталған. Мортаза Рәхимов һәм Рәсәй хоккей федерацияһы президенты Владислав Третьяк араһында һөйләшеүҙәр һөҙөмтәһендә 2010 Йылдың 31 авгусында команда булдырыу тураһында приказ ҡабул ителә, ә шул йылдың сентябрь айында команда йыйыла. 23 сентябрҙә «Ағиҙел» командаһы Рәсәй чемпионатында ҡатнаша башлай.

Тәүге состав тулыһынса элек туп менән хоккей уйнаған спортсмендар менән йыйылған була. Тәүге миҙгелдә «Ағиҙел» бөтә уйындарында еңелә, бер мәрәй ҙә йыймай һәм Рәсәй чемпионатында һуңғы урынға төшә. 2011/2012 йылдар миҙгеле алдынан составтың яртыһы яңыртыла. Шул миҙгелдә «Ағиҙел» бронза миҙалдарын еңә. Артабан команда 2012/2013, 2013/2014 һәм 2014/2015 йылдар миҙгелдәрендә бронза миҙалын тағы ла еңә.

ҠҠХЛ

«Ағиҙел» Ҡатын-ҡыҙҙар хоккей лигаһына 2015 йылда күскән ете командаларҙың береһе була. Яңы лигала сығыш яһауын «Ағиҙел» яҡшы башлай. 22 декабрҙә команданың баш тренеры Владимир Малмыгин эшенән китергә була. 2016 йылдың 11 ғинуарына тиклем Сергей Трудаков команданың ваҡытлыса баш тренеры була. 11 ғинуарҙа «Салауат Юлаев» хоккей клубының элекке хоккейсыһы Денис Афиногенов команданы етәкләй. Шул миҙгелдә команда үҙ тарихында дүрт миҙгел дауамында бронза отҡас, тәүгегә көмөш миҙалдарын еңә. Киләһе йылда команда шул уҡ күрһәткесте яңынан ҡабатлай.

2017/2018 йылдар миҙгеленең тәүге уйынында «Ағиҙел» Салауат Юлаев исемендәге спорт һарайында 3 350 тамашасы йыя һәм лиганың был күрһәткесе буйынса үткән рекордын ике меңгә уҙа. Өфө хоккейсылары тәүге тапҡыр даими миҙгелде беренсе урында тамамлай. Артабан плей-оффтың ярымфиналында «СКИФ» (2-0) һәм финалда «Торнадо» (3-0) хоккей клубтарын ота һәм беренсегә ҠҠХЛ чемпионы исемен яулай.

2018/2019 йылдар миҙгелендә «Ағиҙел» тағы ла даими миҙгелдә беренсе була. ҠҠХЛ ярымфиналында «СКИФ» командаһын ота (2-1), ә финалда Санкт-Петербургтан «Динамо» клубынан көслөрәк була (3-0). Шулай итеп, Өфө ҡыҙҙары икенсе йыл рәттән ҠҠХЛ чемпиондары була. 2019/2020 йылдар миҙгелендә «Ағиҙел» өсөнчө йыл рәттән даими миҙгелдә беренсе урынды яулай. ҠҠХЛ плей-офф ярымфиналында Красноярскиҙан «Бирюса» хоккей клубын серияла 2-0 иҫәбе менән ота. Финалда иһә Ҡытайҙан «КРС Ванке Рэйз» хоккей клубына отола, өсөнсөгә ҠҠХЛ көмөш һәм Рәсәй чемпионатының алтын миҙалдарын яулай. 2020/21 йылдар миҙгеленең даими чемпионатында «Ағиҙел» икенсе урын яулай, ярымфиналда «СКИФ» командаһын ота (2-1), ә финал серияһы 2021 йылдың сентябрендә үтә. Шунда Өфө ҡыҙҙары «КРС Ванке Рэйз» клубын серияла 2-1 иҫәбе менән отоп өсөнсө тапҡыр ҠҠХЛ чемпионы исемен яулай.

2021/22 йылдар миҙгелендә Өфө клубы даими чемпионатты өсөнсө урында тамамлай. «Ағиҙел» ҠҠХЛ кубогының сирекфиналында Санкт-Петербургтан «Динамо-Нева» командаһына серияла 1-2 иҫәбе менән еңелә һәм 2011 йылдан тәүгегә миҙалдарһыҙ ҡала. Шул һөҙөмтә өсөн команданың баш тренеры Денис Афиногенов һәм спорт директоры Александр Семак менән хушлашалар. Яңы тренер итеп Валерий Дәүләтшин тәғәйенләнә. 2022/23 йылдар миҙгелендә «Ағиҙел» дүртенсе тапҡыр даими чемпионатта беренсе урынды яулай, плей-оффта бер-бер артлы «7.62» (2-0), «Торпедо» (2-1) һәм «Динамо-Нева» (3-2) командаларын отоп дүртенсегә ҠҠХЛ чемпионы исемен яулай. 2023/24 йылдар миҙгеленең даими беренселегендә Өфө ҡыҙҙары тағы ла беренсе урынға менәләр, ҠҠХЛ тарихында 100 артыҡ мәрәй йыйған тәүге клуб була. Плей-оффтың сирекфиналында СӨЙК командаһын үтәләр (3-0), ә ярымфиналда буласаҡ чемпионға «Динамо-Нева» хоккейсыларына еңеләләр һәм беренсегә ҠҠХЛ бронза миҙалдарын яулайҙар.

2024/25 йылдар миҙгелендә «Ағиҙел» алтынсы тапҡыр даими чемпионатта беренсе урынды яулай, регламент буйынса Өфө хоккейсылары ҠҠХЛ кубогының ярымфиналына тура үтәләр. Бер-бер артлы «Бирюса» (4-3) һәм «Динамо-Нева» (4-0) клубтарын еңә һәм бишенсе тапҡыр ҠҠХЛ чемпионы титулын яулай.

Стадион

«Салауат Юлаев» спорт һарайы

«Салауат Юлаев» спорт һарайы Өфө ҡалаһында, Зорге урамында 41 адресы буйынса урынлашкан. «Салауат Юлаев» спорт һарайы беренсе тамашасыларҙы 1967 йылдың 28 ноябрҙә аренаны асыу матчы Салауат Юлаев менән Торпедо-Усть-Каменогорск командалары осрошҡанда ҡабул итә. (3 501 урын)

Команданың ҡаҙаныштары

• Ҡатын-ҡыҙҙар хоккей лигаһының чемпионы (2017/18, 2018/19, 2020/21, 2022/23, 2024/25).
• Шайбалы хоккей буйынса Рәсәй чемпионы (2017/18, 2018/19, 2019/20, 2020/21, 2022/23, 2024/25).
• ҠҠХЛ даими чемпионатының еңеүсеһе (2017/18, 2018/19, 2019/20, 2022/23, 2023/24, 2024/25).
• «EURO WOMEN'S HOCKEY CHALLENGE - 2017» турнирында беренсе урын (2017)
• «Ағиҙел» кубогы (2015, 2016)
• Ҡатын-ҡыҙҙарға ҡарата көсләтеүҙе бөтөрөү өсөн көрәшеү халыҡ-ара көнөнә бағышланған турнирҙа беренсе урын (2011)
• ҠҠХЛ асыҡ кубогын еңеүсе (2019)
• Ҡатын-ҡыҙҙар хоккей лигаһы көмөш миҙалсыһы (2015/16, 2016/17, 2019/20)
• Шайбалы хоккей буйынса Рәсәй ҡатын-ҡыҙ чемпионатының көмөш миҙалһысы – 2015/16, 2016/17
• Czech Womens Cup турнирында икенсе урын (2011, 2013)
• Ҡатын-ҡыҙҙар хоккей лигаһы бронза миҙалсыһы (2023/24)
• Шайбалы хоккей буйынса Рәсәй ҡатын-ҡыҙ чемпионатының бронза миҙалын алыусы (2011/2012, 2012/2013, 2013/2014, 2014/2015, 2023/24).
• Ҡытайҙа миҙгел алдынан үткән турнирҙа бронза миҙалын алыусы (2019)

Шәхси еңеүҙәр

• ҠҠХЛ миҙгеленең иң яҡшы тренеры — Денис Афиногенов (2017/18, 2020/21), Валерий Дәүләтшин (2022/23, 2024/25)
• ҠҠХЛ миҙгеленең иң яҡшы уйынсыһы — Ольга Сосина (2017/18), Анна Пругова (2018/19, 2022/23), Мария Баталова (2024/25).
• ҠҠХЛ миҙгеленең иң яҡшы ҡапҡасыһы — Анна Пругова (2019/20, 2022/23).
• ҠҠХЛ миҙгеленең иң яҡшы һаҡсыһы — Мария Баталова (2019/20, 2022/23, 2023/24, 2024/25), Анна Шибанова (2020/21)
• ҠҠХЛ плей-офф уйындарының иң ҡиммәтле уйынсыһы — Ольга Сосина (2021, 2023), Виктория Кулишова (2024/25)
• ҠҠХЛ даими миҙгеленең иң яҡшы бомбардиры — Ольга Сосина (2015/16, 2022/23)
• ҠҠХЛ даими миҙгеленең иң мәргән уйынсыһы — Елизавета Роднова (2022/23)

Статистика

«Ағиҙел» шайбалы хоккей буйынса Рәсәй ҡатын-ҡыҙҙар чемпионатында

Миҙгел	Урын	У	Е	ЕО	ЕБ	БО	ОО	О	ШИ	ШҮ	М
2010/11	6	30	0	0	0	0	0	30	22	288	0
2011/12	1 !	30	13	0	2	0	0	15	95	114	43
2012/13	1 !	48	30	1	0	0	1	16	182	107	93
2013/14	1 !	40	32	2	0	0	0	6	215	75	100
2014/15	1 !	32	18	2	2	0	1	9	117	95	63
Бөтәһе		180	93	5	4	0	2	76	631	679	299

«Ағиҙел» Ҡатын-ҡыҙҙар хоккей лигаһында

Миҙгел	Урын	У	Е	ЕО	ЕБ	БО	ОО	О	ШИ	ШҮ	М
2015/16	2 !	24	16	1	1	1	1	4	117	61	54
2016/17	2 !	36	24	2	2	1	1	6	184	80	82
2017/18	1 !	24	18	3	0	1	0	2	105	39	61
2018/19	1 !	36	26	1	1	0	2	6	164	61	84
2019/20	1 !	28	22	1	0	0	0	5	95	33	68
2020/21	2 !	28	19	0	1	0	1	7	127	47	60
2021/22	1 !	36	24	2	1	1	2	6	171	60	81
2022/23	1 !	32	24	2	1	2	1	2	136	54	81
2023/24	1 !	42	33	0	0	3	0	6	184	68	102
2024/25	1 !	42	31	0	1	2	1	7	155	67	67
2025/26		33	22	2	0	0	2	7	140	60	50
Бөтәһе		361	259	14	8	11	11	58	1578	630	790

Иҫкәрмә: У — уйындар, Е — төп ваҡытта еңеү, ЕО — овертаймда еңеү, ЕБ —буллитта еңеү, ОО — овертаймда отолош, БО — буллитта отолош, О — төп ваҡытта отолош, ШИ — шайба индергән, ШҮ — шайба үткәргән, М — мәрәйҙәр.

2017/2018 Ярымфинал: «Ағиҙел» — «СКИФ» 2-0 (6:4, 6:1) Финал: «Ағиҙел» — «Торнадо» 3-0 (2:0, 3:2, 4:1) 2018/2019 Ярымфинал: «Ағиҙел» — «СКИФ» 2-1 (1:2, 4:2, 4:3 ө.в.) Финал: «Ағиҙел» — «Динамо» 3-0 (4:1, 2:1, 4:1) 2019/2020 Ярымфинал: «Ағиҙел» — «Бирюса» 2-0 (4:1, 3:0) Финал: «Ағиҙел» — «КРС Ванке Рэйз» 0-3 (1:3, 2:3, 2:4) 2020/2021 Ярымфинал: «Ағиҙел» — «СКИФ» 2-1 (2:3 Б, 2:1 Б, 3:2 Б) Финал: «Ағиҙел» — «КРС Ванке Рэйз» 2-1 (5:2, 1:4, 3:2 Б) 2021/2022 Сирекфинал: «Ағиҙел» — «Динамо-Нева» 1-2 (3:0, 0:2, 3:4 Б)

2022/2023 Сирекфинал: «Ағиҙел» — «МСМО 7.62» 2-0 (2:0, 4:2) Ярымфинал: «Ағиҙел» — «Торпедо» 2-1 (3:2, 0:1, 1:0) Финал: «Ағиҙел» — «Динамо-Нева» 3-2 (4:0, 1:2 ө.в., 3:2, 2:3 Б, 3:2) 2023/2024 Сирекфинал: «Ағиҙел» — СӨЙК 3-0 (5:1, 10:0, 10:1) Ярымфинал: «Ағиҙел» — «Динамо-Нева» 1-3 (3:4, 3:4 Б, 4:2, 2:3 Б) 2024/2025 Ярымфинал: «Ағиҙел» — «Бирюса» 4-3 (1:2, 4:3, 2:3, 2:1, 1:2, 2:1 ө.в., 4:1) Финал: «Ағиҙел» — «Динамо-Нева» 4-0 (5:0, 7:5, 7:4, 5:2) 2025/2026 Ярымфинал:

Баш тренерҙар

«Ағиҙел» командаһының бөтә тренерҙары:

• Малмыгин Владимир Александрович (2010 — 2015)
• Трудаков Сергей Николаевич (22 декабрь 2015 — 11 ғинуар 2016)
• Афиногенов Денис Александрович (2016 — 30 апрель 2022)
• Дәүләтшин Валерий Рафикович (25 июнь 2022 — ә.в.)

Составы

Ҡапҡасылар
#	Ил	Уйынсы	Тыуған йыл	Тыуған урыны
1		Валерия Тараканова	20 июнь 1998	Заволжье, Рәсәй
30		Ева Губарева	30 апрель 2002	Һамар, Рәсәй
50		Әминә Васильева	5 сентябрь 2010	Стәрлетамаҡ, Рәсәй

Һаҡсылар
#	Ил	Уйынсы	Тыуған йыл	Тыуған урыны
2		Мария Баталова	3 май 1996	Междуречье, Рәсәй
12		Мария Печникова	8 июнь 1992	Ижевск, Рәсәй
15		Ангелина Махмутова	2 август 2004	Силәбе, Рәсәй
19		Анна Свиридова	20 октябрь 2004	Воскресенск, Рәсәй
70		Анна Шибанова	10 ноябрь 1994	Омск, Рәсәй
91		Анна Чазова	12 февраль 2009	Ижевск, Рәсәй
96		Александра Козырь	9 октябрь 2007	Белгород, Рәсәй

Һөжүмселәр
#	Ил	Уйынсы	Тыуған йыл	Тыуған урыны
10		Камилла Ғәлиханова	22 ноябрь 2006	Өфө, Рәсәй
13		Ксения Тюрина	28 декабрь 2004	Серов, Рәсәй
16		Әминә Хизбуллина	28 июнь 2009	Өфө, Рәсәй
18		Ольга Сосина	19 декабрь 1972	Әлмәт, Рәсәй
24		Екатерина Әбделмәнова	25 ноябрь 2008	Салауат, Рәсәй
27		Вероника Коржакова	9 июнь 2003	Силәбе, Рәсәй
45		Кристина Банникова	31 ғинуар 2005	Түбәнге Новгород, Рәсәй
71		Елизавета Дубей	11 февраль 2007	Красновишерск, Рәсәй
87		Полина Лучникова	30 ғинуар 2002	Серов, Рәсәй
93		Елизавета Роднова	12 июль 1999	Силәбе, Рәсәй
97		Александра Нестерова	28 июль 2005	Благовещен, Рәсәй

Капитандар

«Ағиҙел» командаһының ҠҠХЛ-да бөтә капитандары:

• Эмма Ганеева (2010—2011)
• Юлия Карпова (2011—2013)
• Екатерина Пашкевич (2013—2014)
• Татьяна Шибанова (2014—2015)
• Анна Шибанова (2015—2016)
• Екатерина Смоленцева (2016—2017)
• Екатерина Лебедева (2017—2020)
• Мария Печникова (2020—ә.в.)

Ҡыҙыҡлы мәғлүмәт

• Бер гол да үткәрмәйенсә иң ҙур айырма менән еңеү: 15:0 «Ледяные Крылья» Ярославль (2021/22).
• Иң ҙур айырма менән еңеү: 18:1 «Ледяные Крылья» Ярославль (2021/22).
• Еңеү килтергән иң һөҙөмтәле уйын: 18:1 «Ледяные Крылья» Ярославль (2021/22).
• Еңелеү килтергән иң һөҙөмтәле уйын: 0:26 «СКИФ» Түбәнге Новгород (2010/11).
• Иң ҙур айырма менән еңелеү: 0:26 «СКИФ» Түбәнге Новгород (2010/11).
• Бер гол да керетмәйенсә иң ҙур айырма менән еңелеү: 0:26 «СКИФ» Түбәнге Новгород (2010/11).
• Иң оҙон еңеүҙәр серияһы: 17. Иң оҙон еңелеүҙәр серияһы: 33

Уйынсылар рекордтары

2026 йылдың 1 февраленә ҡарата

• Иң куп уйын үткәргән уйынсылар — Анна Шибанова (554) һәм Элина Митрофанова (471).
• Иң күп мәрәй йыйған уйынсы — Ольга Сосина (648).
• Иң куп гол индергән уйынсы — Ольга Сосина (256).

Шулай уҡ ҡарағыҙ

• Салауат Юлаев
• Торос
• Толпар
• Батыр
• Горняк

Һылтанмалар

• Рәсми сайт
• Ҡатын-ҡыҙҙар хоккей лигаһы сайтында клуб бите
• EliteProspects сайтында клуб бите