Йәнгүзәл (йыр)

Йәнгүзәл
Жанр	Оҙон көй
Әҫәр яҙылған тел	башҡортса‎

Йәнгүзәл - башҡорт халыҡ йыры.

Көйө менән бергә 1964 йылда Әлшәй районы Аҡҡолай ауылында 79 йәшлек Мөхәмәҙиә Садиҡовтан фольклорсы-ғалим С. Галин яҙып алған. Һүҙҙәре Тарих, тел һәм әҙәбиәт институтының (РФА Өфө фәнни үҙәге) Ғилми архивында ф. 3, оп.47/1 бүлемендә (109-сы бит); көйө - МФ, инв.№198/1 һаны аҫтында һаҡлана.

Салауат Галин йырҙы 18 томлыҡ "Башҡорт халыҡ ижады" баҫмаһындағы "Йырҙар" тигән тупланмаһының (Өфө, 1974) "Мөхәббәт йырҙары" тигән төркөмөнә индергән .

Йырҙың һүҙҙәре

Башҡортса

Урыҫса

Елбер генә елбер йөрөгәнемдә, Елдәр аса минең ҡуйынымды, Ай, Йәнгүзәл! Ҡушымта: Йәнгүзәл китте һыу буйлап, Уҙған ғүмерен уйлап. Янып ҡына көйөп йөрөгәнемдә, Дуҫ-иш аса минең күңелемде, Ай, Йәнгүзәл! Ҡушымта. Бара ғына инем юл буйлап, Юлғынайым китте һыу буйлап, Ай, Йәнгүзәл! Ҡушымта. Уйһыҙ ғына егет түгел инем, Уйғынайым бөттө, һине уйлап. Ай, Йәнгүзәл! Ҡушымта: Йәнгүзәл китте һыу буйлап, Уҙған ғүмерен уйлап.

Когда я быстро скачу, Ветры открывают мне грудь, Ай, Янгузель! Припев: Янгузель ушла вдоль реки, О прошедшей жизни думая. Когда я горю и печалюсь, Друзья-товарищи развлекают мою душу, Ай, Янгузель! Припев. Шел я по дороге, Путь мой ушел вдоль реки, Ай, Янгузель! Припев. Бездумным джигитом не был я, Думы мои кончились, как стал о тебе думать. Ай, Янгузель! Припев. Янгузель ушла вдоль реки, О прошедшей жизни думая.

Йәнгүзәл исеме - бөгөн

Йәнгүзәл исеме бөгөн дә йәшәүен дауам итә, ҡыҙ балаларға йыш ҡына ҡушалар, шулай уҡ төрлө үҙешмәкәр төркөмдәргә, этно-фольк төркөмдәргә бирелә .

Видео

• YouTube сайтында Видео Сулпан Кейекбердина - Йәнгүзәл
• YouTube сайтында Видео Этно-фольк группа "Янгузель"

Сығанаҡтар

• БАШҠОРТ ХАЛЫҠ ЙЫРҘАРЫ
• Башҡорт халыҡ ижады. Йырҙар. 1-се китап. / Төҙөүсе, инеш мәҡәлә яҙыусы, аңлатмалар биреүсе С.Ә. Галин. Яуаплы редакторы К.Ә. Әхмәтйәнов. Өфө, 1974. 388 б.