Мөьмин

Мөьмин
ғәр. مؤمن‎‎ ғәр. مؤمنة‎
Ҡапма-ҡаршыһы	Кафыр

Мөьмин (ғәр. مؤمن‎, иманға ингән, тоғролоҡло булған) — Аллаһы Тәғәләгә ысын күңелдән ышанған, иманы уның фекерҙәрен һәм ғәмәлдәрен билдәләгән, уның тормошмәғәнәһенә әүерелгән мосолманды билдәләү өсөн ҡулланылған ислам төшөнсәһе.

Мөьмин эйә булырға тейешле сифаттар

Ҡөрьәндең күп аяттарында ысын күңелдән иманға килгәндәрҙең сифаттары тасуирлана:

• Мөьминдәр фарыз намаҙҙарҙы тейешлесә башҡара.
• Улар фарыз булған зәкәт-саҙаҡаһын түләй һәм үҙ мал-мөлкәттәрен Аллаһ юлында ҡуллана.
• Үҙҙәренең барлыҡ эштәрендә Аллаһ Тәғәләгә тәүәккәл итәләр.
• Мөьминдәр башҡаларҙы яҡшы юлдарҙы һайларға, насарҙарға керешмәҫкә өндәйҙәр.
• Буш һәм файҙаһыҙ эштәрҙән йыраҡ торалар.
• Улар саф күңелле, ауыр гөнаһтарҙы ҡылмай.
  • Көфөрлөктөң тормоштарына инеүенән һаҡланалар.
• Аллаһы Тәғәләгә, Уның Рәсүленә буйһоналар, һәм уларҙың бойорғандарына һәр ваҡыт итәғәт итәләр.
  • Аллаһы Тәғәләнең Ер йөҙөндәге урынбаҫары (хәлифә) тип яралтылған аҡыллы кеше дәрәжәһенә тоғролоҡло булып йәшәйҙәр.

Мөьминдәр тураһында Ҡөрьәндә

• Әл-Мүьминүн сүрәһе — Ҡөрьәндең 23-се сүрәһе, Мәккәлә иңдерелгән, 118 аяттан тора.
• Ҡөрьәндә Мөьмин һүҙе 229 тапҡыр ҡулланыла, мәҫ.: «Ий мөьминдәр, һәммәләрегеҙ ҙә Аллаһуға тәүбә итегеҙ, моғайын донъя үә ахирәттә бәхетле булырһыҙ.» .

Шулай уҡ ҡарағыҙ

• Әл-Мөьмин
• Ҡөрьәндең Әл-Мүьминүн сүрәһе

Сығанаҡтар

• Ермаков Д. В. Мумин // Ислам: энциклопедический словарь / отв. ред. С. М. Прозоров. — М. : Наука, УЛ, 1991. — С. 171—172.
• Али-заде, А. А. Мумин : арх. 1 октября 2011 // Исламский энциклопедический словарь. — М. : Ансар, 2007.