Сәйетғәлиев Зифҡәт Ислам улы

Википедия — ирекле энциклопедия мәғлүмәте
Перейти к навигации Перейти к поиску
Сәйетғәлиев Зифҡәт Ислам улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 18 март 1947({{padleft:1947|4|0}}-{{padleft:3|2|0}}-{{padleft:18|2|0}}) (73 йәш)
Тыуған урыны СССР, РСФСР, Башҡорт АССР-ы
СССР, РСФСР, Башҡорт АССР-ы, Илеш районы
Эшмәкәрлек төрө агроном[d] һәм иҡтисадсы[d]
Уҡыу йорто Башҡорт дәүләт аграр университеты
Ғилми дәрәжә иҡтисад фәндәре докторы[d]
Маҡтаулы исемдәре һәм башҡа бүләктәре

Сәйетғәлиев Зифҡәт Ислам улы (18 март 1947 йыл) — агроном, ғалим-иҡтисадсы, дәүләт эшмәкәре. Иҡтисад фәндәре докторы (1996). Башҡортостан Республикаһының атҡаҙанған ауыл хужалығы хеҙмәткәре (2002).

Биографияһы[үҙгәртергә | вики-тексты үҙгәртергә]

Сәйетғәлиев Зифҡәт Ислам улы 1947 йылдың 18 мартында БАССР‑ҙың Илеш районы Абдулла ауылында тыуған. 1972 йылда Башҡортостан ауыл хужалығы институтын тамамлай. 1965–1967 йылдарҙа Илеш районындағы Үрге Маншыр урта, Бишҡурай һәм Исәмәт һигеҙ йыллыҡ мәктәптәрендә уҡытыусы булып эшләй. 1972 йылдан Башҡорт ауыл хужалығы институтында эшләй: 1975 йылға тиклем өлкән ғилми хеҙмәткәр, 1978 йылдан – уҡытыусы. 1979 йылдан башлап Илеш районынындағы В.И.Ульянов исемендәге колхоз рәйесе, 1980 йылдан – КПСС‑тың Башҡортостан өлкә комитеты инструкторы, 1982 йылдан – КПСС‑тың Әлшәй район комитетының 1‑се секретары, 1988 йылдан – БНИПТИЖиК директоры. 1993 йылдан алып РФ Дәүләт думаһы депутаты: 1994 йылдан башлап комитет рәйесе урынбаҫары, 1996 йылда – комитет ағзаһы. 2000 йылда алып “Красбанк” коммерция банкы дирекцияһы советы рәйесе (Мәскәү), “Башптицепром” ДУАХП‑нда генераль директор; 2003 йылдан башлап БР Дәүләт Йыйылышы – Ҡоролтай комитеты, 2008 йылда – Башҡортостан Республикаһы Аграр союзы, 2013 йылдан алып Башҡортостан Республикаһы ауыл хужалығы тауарҙарын етештереүселәр союзы рәйесе. Фәнни тикшеренеүҙәре Башҡортостан аҙыҡ‑түлек баҙарын формалаштырыуҙың иҡтисади проблемаларына арналған. Сәйетғәлиев етәкселегендә республикала лимузин тоҡомло һыйыр малын үҫтереү һәм ҡаҙҙарҙы сәнәғәт үрсетеүе буйынса хужалыҡтар селтәре булдырылған. 100‑ҙән ашыу фәнни хеҙмәт авторы. Башҡортостан Республикаһы Юғары Советының 11–12‑се саҡырылыш, РФ Дәүләт думаһының 1–2‑се саҡырылыш, БР Дәүләт Йыйылышы – Ҡоролтайҙың 3‑сө саҡырылыш депутаты[1].

Хеҙмәттәре[үҙгәртергә | вики-тексты үҙгәртергә]

  • Экономические проблемы формирования и регулирования регионального мясного рынка. Уфа, 1995;
  • Ценовое регулирование регионального мясного рынка. М., 1996[1].

Маҡтаулы исемдәре[үҙгәртергә | вики-тексты үҙгәртергә]

  • Башҡортостан Республикаһының атҡаҙанған ауыл хужалығы хеҙмәткәре

Һылтанмалар[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]