Әнәс ибн Мәлик

Википедия — ирекле энциклопедия мәғлүмәте
Перейти к навигации Перейти к поиску
Әнәс ибн Мәлик
ғәр. أنس بن مالك
Рәсем
Заты ир-ат
Гражданлығы Black flag.svg Хаҡ хәлифәт
Umayyad Flag.svg Өмәүиҙәр хәлифәлеге
Тыуған көнө яҡынса 612[1]
Тыуған урыны Хиджаз, Мәҙинә
Вафат булыу көнө яҡынса 712 или 709[1]
Вафат булған урыны Өмәүиҙәр хәлифәлеге, Ираҡ, Басра[d]
Әсәһе Румайса бинт Мильхан[d]
Хәләл ефете Зайнаб бинт Анас[d]
Балалары Абу Бакр ибн Анас[d], ан-Наср ибн Анас[d] һәм Муса ибн Анас[d]
Һөнәр төрө Фаҡиһ
Эшмәкәрлек төрө Фиҡһ
Уҡыусылар Ибн Сирин[d], Ибн Шихаб аз-Зухри[d], Сулейман аль-Амаш[d], Абу Сад ас-Саади[d], Джафар ибн Абдуллах аль-Ансари[d], Абу аль-Убейд аль-Анси[d], Ибрахим ибн Абу Абля[d], Бадиль ибн Майсира аль-Акили[d], Мухаммад ибн Яхья[d], Абу Асма ас-Сайфаль[d], Сабит аль-Бунани[d], аль-Бара ибн Зейд[d], Q12198894?, Q12198954? һәм Тавба аль-Анбари[d]
Кемдә уҡыған Мөхәммәт (Пәйғәмбәр), Әбү Һөрәйрә, Муаз ибн Джабаль[d], Абу Зарр аль-Гифари[d], Салман аль-Фариси[d], Абдуллах ибн Раваха[d], Ғабдуллаһ ибн Ғәббәс, Абу Муса аль-Ашари[d] һәм Ибн Масуд[d]
Һуғыш/алыш Битва при Хайбаре[d], Битва при Хунейне[d], Завоевание Мекки[d] һәм Осада Таифа[d]
Commons-logo.svg Әнәс ибн Мәлик Викимилектә

Әнәс ибне Мәлик ибн Нәҙар әл-Хәзрәжи әл-Әнсари (ғәр. أنس بن مالك بن النَّضر الخزرجي الأنصاري‎; 612, Басра — 709, Мәккә) — Мөхәммәт Пәйғәмбәр ғәләйһиссәләмдең атаҡлы сәхәбәһе. Мәҙинә ырыуы Бәни әл-Хәзрәж сығышлы. Мөхәммәт Пәйғәмбәр ғәләйһиссәләм уға Әбү Хәмзә ҡушаматы бирә. Танылған мөхәҙҙис (хәҙистәр башҡарыусы) 2286 хәҙис тапшырыуы менән дә танылған.


Биографияһы[үҙгәртергә | вики-тексты үҙгәртергә]

Мәҙинәлә миләди 612 йылда тыуған. һижрәттән һуң уны әсәһе Үмм Сүләймә Мөхәммәт Пәйғәмбәр ғәләйһиссәләмдең хеҙмәтсе итеп алыуын һорай. Хеҙмәтсегә мохтажлығы булмаһа ла, Пәйғәмбәр етем малайҙы йәлләп, үҙенә ала. Әнәс ибн Мәлик Мөхәммәт Пәйғәмбәр ғәләйһиссәләмдең йомоштарын үтәй һәм бер үк ваҡытта дин белеме лә ала башлай. Был ваҡытта уға 10 йәш була[2]. Пәйғәмбәр уны үҙ балаһы кеүек ҡарай һәм дингә өйрәтә[3]

Беренсе ғазауаттарҙа Әнәс үтә йәш булыуы арҡаһында ҡатнашмай. Бәҙер һуғышында ул мосолман яугирҙарға ярҙам күрһәтеп йөрөй[2].

Балиғлыҡ йәшенә еткәс Хәйбәр, Һүнәйен яуҙарында, Мәккәне яулауҙа, Таифты ҡамауҙа ҡатнаша[3].

Беренсе хәлифә Әбү Бәкер (раҙыйаллаһу ғәнһү) ваҡытында, Бәһрәйндә зәкәт йыйыусы була. Әбү Бәкер вафат булғас, Мәҙинәгә ҡайта.

Ғүмәр (раҙыйаллаһу ғәнһү) хәлифәлеге осоронда Ислам хоҡуҡиәте мәсьәләләре менән шөғөлләнә башлай һәм был эшен ғүмере буйы дауам итә[3]

Бер ни тиклем ваҡыттан ул Бәсрәгә күсә, унда халыҡты Ислам нигеҙҙәренә һәм хоҡуҡиәткә өйрәтә башлай. Фарсыларға ҡаршы һуғыштарҙа, Туштар ҡалаһын алыуҙа ҡатнаша[2].

Хәлифәттә фетнә башланғас, ул бер яҡҡа ла ҡушылмай.

Мөхәммәт Пәйғәмбәр ғәләйһиссәләм Әнәс ибне Мәлик өсөнғ «Йә Аллаһ! Уның балаларын һәм милкен арттыр, уға оҙон ғүмер бир һәм хаталарын кисер», — тип доға ҡылған була. Әнәс бин Мәликтең (раҙыйаллаһу ғәнһү) 80 улы һәм 2 ҡыҙы була, хатта баҡсаһы йылына ике тапҡыр емеш бирә торған булған. Ул Бәсрәнән 4 саҡрым алыҫлыҡтағы Таиф тигән ерҙә 103-мө, 110-мы йәшендә вафат була һәм шунда ерләнә.

Шулай уҡ ҡарағыҙ[үҙгәртергә | вики-тексты үҙгәртергә]

Сығанаҡтар[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]

  • 1,0 1,1 Али-заде А. Исламский энциклопедический словарьМ.: Ансар, 2007. — ISBN 978-5-98443-025-8
  • 2,0 2,1 2,2 Encyclopaedia of Islam, 1960—2005
  • 3,0 3,1 3,2 Али-заде, А. А., 2007