Әбү Сәйет әл-Хүдри

Әбү Сәйет әл-Хүдри
ғәр. أبو سعيد الخدري‎
Зат	ир-ат
Гражданлыҡ	Хаҡ хәлифәт  Өмәүиҙәр хәлифәлеге
Тыуған көнө	612
Тыуған урыны	Мәҙинә
Вафат булған көнө	693
Вафат булған урыны	Мәҙинә, Өмәүиҙәр хәлифәлеге
Ерләнгән урыны	Әл-Баҡый
Балалары	Абдуррахман ибн Абу Саид[d]
Һөнәр төрө	Мөхәддис, Һалдат
Эшмәкәрлек төрө	Фиҡһ һәм Хәҙис ғилеме
Һуғыш/алыш	Өхүд һуғышы, Битва при Хайбаре[d], Хүнәйнә һуғышы, Битва при Табуке[d] һәм Мәккәне яулау

Әбү Сәйет Сәғд ибн Мәлик ибн Синән әл-Худри (ғәр. أبو سعيد سعد بن مالك بن سنان الخدري‎;рус. Абу Саи́д Са́ад ибн Ма́лик ибн Сина́н аль-Худри́; 612—693 йй., Мәҙинә, Өмәүиҙәр хәлифәлеге) — Мөхәммәт пәйғәмбәрҙең (саллаллаһу ғәләйһи үә сәлләм) йәш сәхәбәләренең береһе, ансар.

Биографияһы

Әбү Сәйет Мәҙинәлә, Мөхәммәт Пәйғәмбәр Мәҙинәгә һижрәт ҡылғандан яҡынса 10 йыл элек, мосолман ғаиләһендә тыуған. Уның атаһы Мәлик ибн Синән Мәҙинәнең Ислам динен ҡабул иткән тәүге кешеләренең береһе була. Әсәһенең исеме Әнисә бинт Әбү Харис. Ул хәзрәж ырыуының Бәнү Нәжәр нәҫеленән булған. Әбү Сәйет ислам дине хоҡуғын (Фиҡһ) бик яҡшы белгән. Яҡынса 2000 хәҙис тапшырған.

Өхүд, Хүнәйнә һәм Хәйбәр һуғыштарында, Тәбүккә йыһатта, Мәккәне яулауҙа ҡатнашҡан [3] Атаһы Өхүд Һуғышында һәләк булғанда Әбү Сәйеткә 13 йәш булған.

Пәйғәмбәрҙең вафатынан һуң, Ғүмәр ибн әл-Хәттаб һәм Усман ибн Әффан хәлифә булған ваҡытта, мосолман хоҡуғы өлкәһендә тикшеренеүҙәр менән шөғөлләнә һәм фәтүәләр сығара. Али ибн Әбү Талип хәлифәлеге ваҡытында хәүәриждәргә ҡаршы һуғыша.

Әҙәбиәт

• Али-заде, А. А. [35 Абу Саид аль-Худри] // Исламский энциклопедический словарь. — М. : Ансар, 2007. — 400 с. — (Золотой фонд исламской мысли). — 3000 экз. — ISBN 5-98443-025-8  (рус.).
• Rad, Hussein Ansari; Gholami, Rahim. Abū Saʿīd al-Khudrī // Encyclopaedia Islamica / Editors-in-Chief: Wilferd Madelung and, Farhad Daftary. — Brill Online.