Баһауетдин Әдүтов
| Баһауетдин Әдүтов | |
| Зат | ир-ат |
|---|---|
| Гражданлыҡ |
 Рәсәй империяһы |
| Тыуған көнө | 1788 |
| Тыуған урыны | Үдик, Барҙы районы |
| Хәрби звание | есаул[d] |
Баһауетдин Әдүтов (рус. Багаутдин Адутов; 1788 йыл — ?) — зауряд-есаул, кантон начальнигы. 1812 йылғы Ватан һуғышында ҡатнашыусы[1]
Биографяһы
[үҙгәртергә | сығанаҡты үҙгәртеү]Баһауетдин Әдүтов Пермь наместниклығы Уҫы өйәҙе Ғәйнә улусының (хәҙерге Пермь крайы Барҙы районы) Үдик (Епалчиха) ауылында кантон начальниктары булған Әдүтовтар ғаиләһендә тыуа. Атаһы Мөхәмәҙиә Әдүтов 1‑се башҡорт кантоны начальнигы була. Уның улдары Баһауетдин, Камалетдин (1801-?) һәм Низаметдин[2]. Камалетдин да зауряд-есаул, 1831—1841 йылдарҙа 1‑се башҡорт кантоны начальнигы була. Низаметдин хорунжий булып хеҙмәт итә, ул 1850 йылда 1‑се башҡорт кантоны начальнигы булып тора, уның 5 тирмәне була.
Баһауетдин Әдутов хәрби хеҙмәттә 1806 йылдан. 1811 йылдан алып юрта есаулы, 1812 йылдан поход старшинаһы булып хеҙмәт итә, 1812 йылғы Ватан һуғышында ҡатнаша.
1814—1816 йылдарҙа Себер даруғаһында дистанция начальнигы. 1820—1831 йылдарҙа 1‑се башҡорт кантоны начальнигы, 14‑се класс чиновнигы була (1821)[1].
Иркутск губернаһында 2 йыл дауамында дистанция начальнигы сифатында этаплы хеҙмәттә була. 2 тирмәне була. 1831 йылда Санкт-Петербургта Башҡорт-мишәр ғәскәрҙәре депутацияһы составында император Николай I аудиенцияһында ҡатнаша. «1812 йылғы Ватан һуғышы иҫтәлегенә» көмөш миҙалы менән бүләкләнгән[1]
Иҫкәрмәләр
[үҙгәртергә | сығанаҡты үҙгәртеү]- ↑ 1,0 1,1 1,2 Баһауетдин Әдүтов // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- ↑ Әдүтовтар // Военная история башкир / гл. ред. А. З. Асфандияров. — Уфа: Башкирская энциклопедия, 2013. — 432 с. — ISBN 978-5-4466-0040-3.
Әҙәбиәт
[үҙгәртергә | сығанаҡты үҙгәртеү]- Асфандияров А. З. История сёл и деревень Башкортостана и сопредельных территорий. — Өфө: Китап, 2009. — ISBN 978-5-295-04683-4.
Һылтанмалар
[үҙгәртергә | сығанаҡты үҙгәртеү]- Багаутдин Адутов // Военная история башкир / гл. ред. А. З. Асфандияров. — Уфа: Башкирская энциклопедия, 2013. — 432 с. — ISBN 978-5-4466-0040-3.
- Адутовы // Военная история башкир / гл. ред. А. З. Асфандияров. — Уфа: Башкирская энциклопедия, 2013. — 432 с. — ISBN 978-5-4466-0040-3.
| «Шәхестәр» порталы |
