Кесе Аҡкүл (Силәбе өлкәһе)

Кесе Аҡкүл
Дәүләт	Рәсәй
Административ-территориаль берәмек	Силәбе өлкәһе

Кесе Аҡкүл - рус. Малая Акуля - Рәсәйҙең Силәбе өлкәһендәге күл.

Географияһы

Кесе Аҡкүл күле Ҡыштым ҡала округы территорияһында, Тайгинка ҡасабаһынан төньяҡ-көнсығыштараҡ. Көнсығыштараҡ Оло Аҡкүл йәйрәп ята

Силәбегә тиклем араһы – 70 км, Екатеринбургҡа – 142 км

Координаттары: 55°39'3"N 60°33'50"E, 55°39′5″N (55.651394) Оҙонлоғо: 60°33′49″E (60.563527)

Һыу ятҡылығы көнбайыштан көнсығышҡа табан һуҙылған. Иң яҡын тораҡ пункт - 3-4 км көньяҡ-көнбайыштараҡ ятҡан Аңбаш ауылы

Тасуирламаһы

Һыуы сөсө, ағынлы. Тектоник сығышлы. Ярҙары күбеһенсә һөҙәк. Көнбайыштан, көньяҡтан һәм көнсығыштан күл һаҙмыртланған. Һыу төбө ҡөмлө-ләмле.

Күл ҡатнаш урмандар менән уратып алынған. Ҡамышлы, башҡа төр һыу үләндәре лә үҫә.

Күлдә суртан, карп, алабуға, сабаҡ, табан тереклек итә.

Йыл әйләнәһенә балыҡ тоторға мөмкин.

Кесе Аҡкүл Аңбаш, Нонькино һәм Оло Аҡүл күлдәре эргәһендә урынлашҡан. Тәүгеһе һәм һуңғыһы менән ҡылымыҡтар аша тоташҡан һәм уларҙан туйына.

Этимологияһы

Күлдең атамаһы урыҫ теленә Аҡкүл тигәндән үҙгәреп килеп ингән тип яҙа Силәбе өлкәһенең топонимикаһын, башҡорт халҡының фольклорын өйрәнеп, китаптар сығарған географ, топонимист Шувалов Николай Иванович үҙенең "От Парижа до Берлина по карте Челябинской области: Топонимический словарь" тигән һүҙлегендә.

Сығанаҡтар

• Шувалов Н. И. Акуля // От Парижа до Берлина по карте Челябинской области: Топонимический словарь. — 2-е изд., переработанное и дополненное. — Челябинск: Южно-Уральское книжное издательство, 1989. — 160 с. — ISBN ISBN 5-7688-0157-7

Һылтанмалар

• МАЛАЯ АКУЛЯ [1]
• Малая Акуля [2]