Сибай (ҡала)

Ҡала Сибай Герб Ил Рәсәй Төбәк Башҡортостан Муниципиаль берәмек Сибай ҡала округы Координаталар 52°42′ т. к. 55°58′ кс. о.  Башлыҡ Айҙарбәков, Фәим Фәтхулла улы Нигеҙ һалыныу 1913 Ҡала (башлап) 1955 Рәсми тел башҡортса, урыҫса Халыҡ 67 224 кеше (2009) Милли состав башҡорттар (50 %) урыҫтар (38 %) татарҙар (8 %) Конфессия составы мосолмандар, православтар Этнохороним сибайлы, сибайҙар Ваҡыт бүлкәте UTC+5, йәй UTC+6 Телефон коды +7 34775 Почта индексы 4538хх Автомобиль коды 02 ОКАТО коды 80443 Сайт http://sibay-rb.ru (урыҫ.) (баш.)

Сибай — Башҡортостандың Урал аръяғында, Ирәндек тауҙарының итәгендә урынлашҡан республика әһәмиәтендәге ҡала. Өфө ҡалаһынан 464 км һәм Магнитогорск ҡалаһынан 95 км алыҫлыҡта ята.

Сибай ҡалаһы үткән XX-се быуаттың 30-сы йылдары уртаһында башланған Сибай баҡыр-цинк мәғдән ятҡылығын үҙләштереү менән бәйле нигеҙләнгән. 1938 йылдан ул эшселәр ҡасабаһы, ә 1955 йылдан ҡала тип танылған.

Сибай ҡалаһында 61597 кеше йәшәй, Төйәләҫ менән бергә 62471 кеше иҫәпләнә. Был мәғлүмәттәр 2005 йылдың 1 ғинуарына тура килә. 2002 йылғы халыҡ иҫәбен алыу мәғлүмәттәре буйынса Сибай ҡалаһында (Төйәләҫ менән бергә) 60144 кеше иҫәпкә алынған. Шуларҙың 48,7 % башҡорттар, 38,7 % урыҫтар, 8,9 % татарҙар тәшкил итә.

Сибай ҡалаһы аша Магнитогорск — Ира федераль автомобиль трассаһы һәм Аҡъяр — Сибай — Асҡар — Сәрмән республика әһәмиәтендәге автомобиль трассаһы үтә. Сибай — Башкортостан Урал аръяғының сәнәғәт һәм уҡыу-мәҙәниәт үҙәге.

Мәғариф

Ҡаланың төп белем биреү ойошмалары:

• Сибай ҡалаһында Башҡорт дәүләт университеты бүлеге
• Башҡорт дәүләт аграр университеты бүлеге
• Сибай политехник колледжы
• Сибай дәүләт педагогия колледжы
• Сибай дәүләт медицина колледжы
• Сибай саүҙа-иҡтисад колледжы

Радиостанциялар

• 102,1 FM — Ҡояш радио
• 102,7 FM — Юлдаш (Баймаҡ)
• 106,3 FM — Юлдаш FM (Урал аръяғы)

Гәзит

• Атайсал. Ижтимағи-сәйәси гәзит. Ойоштороусылары: Башҡортостан Республикаһы Матбуғат һәм киң мәғлүмәт министрлығы, Сибай ҡала Советы, Сибай ҡала хакимиәте, редакция коллективы. 1990 йылдан башлап аҙнаға 2 тапҡыр сыға. 134 690 д.

Гәзит сайты: http://ataisal.pressarb.ru/