Дакка

Википедия — ирекле энциклопедия мәғлүмәте
Перейти к навигации Перейти к поиску
Город
Дакка
(бенг. ঢাকা)
Dhaka Montage 2019.jpg
Ил

Бангладеш

Координаталар

23°42′00″ с. ш. 90°22′00″ в. д.HGЯO

Мэр

Атикул Ислам[d]

Нигеҙләнгән

VII быуат

Майҙаны

815,85 км²

Халҡы

6 970 105 кеше (2011)

Тығыҙлығы

8543 кеше/км²

Сәғәт бүлкәте

UTC+6

Телефон коды

+880 2

Почта индексы

1000

Һанлы танытмалар
Рәсми сайт

[http://www.dncc.gov.bd/ 

                           http://www.dhakasouthcity.gov.bd/]  (инг.)
Дакка (Бангладеш)
Дакка
Дакка
Commons-logo.svg Аудио, фото и видео Викимилектә

Дакка (бенг. ঢাকা) — Бангладештың баш ҡалаһы һәм иң ҙур ҡалаһы. Ганг дельтаһында Буриганганың һул ярында урынлашҡан. Дакка Бенгалияның 1608—1717 йылдарҙа баш ҡалаһы була, Бангладештың баш ҡалаһы булып 1971 йылдан тора.

Ҡала халҡы — 9 724 976 кеше (2005), ә биҫтәләре менән бергә — 16,6 миллион кеше (2008)[1].

Ҡалаға VII быуатта нигеҙ һалына. Дакка Буриганга йылғаһы ярында, Падма һәм Мегхна йылғалары ҡушылған урында урынлашҡан. Ганг һәм Брахмапутра дельтаһындай йылға порты, шулай уҡ һыу туризмы үҙәге булып тора.

Этимологияһы[үҙгәртергә | вики-тексты үҙгәртергә]

Бер версия буйынса, ҡала исеме индуистарҙың уңдырышлылыҡ алиһәһе Дурга исеменән сыҡҡан, ә икенсе версия буйынса — ҡиммәтле ыҫмала биреүсе тропик ағас атамаһынан[2].

Тарихы[үҙгәртергә | вики-тексты үҙгәртергә]

Аурангзебтың улы тарафынан төҙөлгән Лалбах форты

Хәҙер Дакка биләгән территорияла ултыраҡтың барлыҡҡа килеүе VII быуатҡа ҡарай. Ҡала территорияһы IX быуатта индуистар династияһы Сена контроленә күскәнгә тиклем будда батшалығы Камаруп һәм Пала империяһы хакимлығы аҫтында була[3]. Ҡаланың исеме, бәлки, XII быуатта батша Баллал Сена тарафынан алиһә Дхакешвари ҡорамына нигеҙ һалыу һөҙөмтәһендә барлыҡҡа килә.[4]. Дакка һәм уның тирә-яғы был осорҙа Бенгалла булараҡ билдәләнә. Ҡала Лакшми, Шанкхари баҙары, Кумартули һ.б. кеүек бер нисә баҙарҙы үҙ эсенә ала. Сена династияһынан һуң Даккала эҙмә-эҙлекле 1608 йылда Бөйөк Моголдар империяһына ингәнгә тиклем Дели солтанлығының төрөк һәм пуштун губернаторҙары хакимлыҡ итә[5]. Тораҡтар төҙөлөшөнөң артыуы иҫәбенә ауылдарҙың үҫеше халыҡтың артыуына килтерә, һөҙөмтәлә ҡала 1608 йылда Бөйөк Моголдар Империяһы хакимлығы осоронда Бенгалияның баш ҡалаһы тип иғлан ителә[6][7]. Могол субадары Ислам-хан ҡаланың беренсе хакимы була[8]. Хан ҡалаға Бөйөк Моголдар императоры Джахангир хөрмәтенә «Джахангир Нагар» (জাহাঙ্গীর নগর; Джахангир ҡалаһы) исемен бирә, әммә тиҙҙән был исем Джахангир үлгәндән һуң алына. Ҡаланың үҫеүе Шайст-хан хакимлығы ваҡытына тура килә[9][10]. Ҡаланың майҙаны 19 километрға 13 километр була (12 миль 8 милгә), халыҡ һаны яҡынса бер миллион кеше тәшкил итә[11].

Бенгал навабтары һарайы

Британ Ост-һинд компанияһы 1765 йылда һалым йыйыу хоҡуғына эйә була (дивань хоҡуғы), ә 1793 йылда Бенгалия навабтары Бенгалия, Бихар һәм Орисса өҫтөнән хакимлыҡ итеүҙәреннә баш тартҡандан һуң ҡала менән идара итеүҙе үҙ өҫтөнә ала. Шулай итеп, ҡала тулыһынса Британия контроле аҫтына күсә. Был осорҙа ҡала халҡы ҡырҡа кәмей[12] шул уҡ ваҡытта эргәһендә урынлашҡан Калькутта үҫешә. Тиҙҙән Дакка ла бер аҙ булһа ла үҫешә. һыу менән тәьмин итеүҙең заманса системаһы 1874 йылда сафҡа индерелә, ә электр менән тәьмин итеү 1878 йылда барлыҡҡа килә[13][14]. Ҡала янында Дакка кантонменты барлыҡҡа килә, ул Британия һәм Бенгалия һалдаттарының хәрби базаһы булып хеҙмәт итә.

1905 йыл Бенгалияны беренсе уңышһыҙ бүлеү һөҙөмтәһендә Дакка яңы барлыҡҡа килгән Көнсығыш Бенгалия дәүләтенең баш ҡалаһы тип иғлан ителә, ләкин 1911 йыл инде Бенгалия яңынан берләшә. 1947 йылда Британия Һиндостанын бүлгәндән һуң бәрелештәр була башлай. Индус халҡының күп өлөшө Һиндостанға китә, шул уҡ ваҡытта Даккаға күп мосолмандар килә. Төбәк сәйәсәте үҙәге булған ҡалала баш күтәреүҙәр һәм көс ҡулланыу акттары йышая[9]. Урду телен Пакистандың берҙән-бер рәсми теле тип иғлан итеү күләмле протест акцияларына килтерә. Бенгал телен хуплау буйынса демонстарцияны баҫтырыу һөҙөмтәһендә полиция бер нисә студентты атып үлтерә[15]. 1950 һәм 1960 йылдар дауамында Дакка сәйәси эшмәкәрлектең үҙәге булып ҡала, бенгал халҡы өсөн автономияның талаптары көсәйә[16].

1970 йылда емергес Бхола циклоны төбәктең күп өлөшөн емерә, һөҙөмтәлә ярты миллион самаһы кеше һәләк була[17]. Ҡаланың яртыһынан ашыуы һыу аҫтында ҡала[18]. Властарҙың циклон әҙәемтәләрен бөтөрөүгә йүнәлтелгән тырышлыҡтарының етешмәүе, шулай уҡ этник дискриминация арҡаһында йәмәғәттең ризаһыҙлығы арта. 1971 йылдың 7 мартында бенгал сәйәсмәне Муджибур Рахман Рамна ипподромында милләтсел митинг ойоштора[9][19]. Һөҙөмтәлә 26 мартта Бангладештың бойондороҡһоҙлоғо иғлан ителә[19]. Быға яуап итеп Пакистан армияһы Көнсығыш Пакистан өҫтөнән контроль булдырыу буйынса хәрби операция башлай, уның һөҙөмтәһендә Бангладештың күп тыныс халҡы үлтерелә[20]. Конфликтҡа Һиндостан ҡыҫыла — һәм 16 декабрҙә һуғышта уның еңеүенән һуң Бангладеш бойондороҡһоҙлоҡ ала[21]. Сәнәғәт һәм сауҙа үҫеше, шулай уҡ ҡала халҡының артыуы инфрастуктура һәм хеҙмәт күрһәтеү өлкәһендә проблемалар тыуҙыра[22]. Ҡаланың сикәтер киңәйеү менән төҙөлөш бумы башлана.

Климаты[үҙгәртергә | вики-тексты үҙгәртергә]

Дакка эҫе, тынсыу һәм дымлы тропик климат ҡалаһы булып тора. Ҡалала уртаса йыллыҡ 28 менән °С температура (82 °F) менән муссондар үтә; температура ғинуарҙа  20 °C (68 °F) алып май айында 32 °C тиклем үҙгәрә[23]. Уртаса йыллыҡ 80% тиерлек яуым-төшөм май айынан алып сентябрь айына тиклем дауам итә[23]. Ҡала тығындары һәм сәнәғәт ҡалдыҡтары менән бәйле һауаның һәм һыуҙың бысраныуы йәмәғәт сәләмәтлегенә һәм тормош сифатына йоғонто яһаусы етди проблемаларҙың береһе була[24]. Дакка тирәләй һыу объекттары һәм һаҙлыҡтар юҡҡа сыға, сөнки улар урынында күп ҡатлы йорттар һәм башҡа күсемһеҙ объекттар төҙөлә. Тирә-яҡ мөхиттең бысраныуы менән бәйле тәбиғи йәшәү урындарының эрозияһы төбәк биофаунаһының байтаҡ өлөшөн юҡҡа сығарыу менән янай[24].

Ҡала климаты
Күрһәткес Ғин Фев Мар Апр Май Июн Июл Авг Сен Окт Ноя Дек Йыл
Абсолют максимум, °C 29 33 38 38 38 39 37 37 35 34 32 30 39
Уртаса максимум, °C 24 26 30 31 31 31 30 31 30 30 28 25 29
Уртаса температура, °C 19 22 26 28 28 28 28 29 28 27 24 20 26
Уртаса минимум, °C 14 17 22 25 26 27 27 27 26 25 20 16 22
Абсолют минимум, °C 9 9 14 18 21 22 24 23 21 18 12 10 9
Яуым-төшөм нормаһы, мм 0 20 50 110 260 350 390 310 250 160 30 0 1970
Сығанаҡ: Weatherbase

Иҡтисады[үҙгәртергә | вики-тексты үҙгәртергә]

Ҡалала ил сәнәғәтенең күп өлөшө урынлашҡан, ул джут сүсе етештереү, кизе-мамыҡ, металл эшкәртеү, аҙыҡ-түлек һәм башҡа тармаҡтарҙан ғибәрәт. Муслин производствоһы бар. Дакка урынлашҡан төбәк джут һәм дөгө үҫтереүгә махсуслашҡан.

2009 йылғы мәғлүмәттәр буйынса, ЭТП 85 миллиард доллар тәшкил итә, йыл һайын эске тулайым продукт үҫеше 6,2 % тәшкил итә. Йән башына уртаса килем — йылына 1350 доллар. Шуға ҡарамаҫтан, яҡынса 34 % хужалыҡ ярлылыҡ сигендә, байтаҡ өлөшө көнөнә 5 долларҙан дә кәм аҡсаға йәшәй. Эшһеҙлек кимәле юғары — яҡынса 19 %.

Халҡы[үҙгәртергә | вики-тексты үҙгәртергә]

Йондоҙ мәсете

Ҡала халҡы уның алминистратив сиктәрендә яҡынса 7 млн кеше тәшкил итә, үҫешкән агломерация халҡы — 12,8 млн самаһы кеше (2008 йыл). Йыллыҡ халыҡ үҫеше — яҡынса 4,2 % (Азия ҡалалары араһында иң юғары күрһәткестәрҙең береһе) — был илдең ауыл ерҙәренән ҙур мигранттар ағымы менән аңлатыла. Far Eastern Economic Review журнал мәғлүмәттәренә ярашлы 2025 йылға ҡала халҡы 25 миллион кешегә етеүе ихтимал.

Халыҡтың грамоталылыҡ кимәле — 68,3 %.

Яҡынса 90 % халыҡ ислам динен тота, икенсе киң таралған дин — индуизм (9 %). 1 % христиан һәм буддистарға тура килә, улар яҡынса тигеҙ өлөштә.

Халыҡтың абсолют күпселеге бенгал телендә һөйләшә; Бангладештың бөтә яҡтарынан килгән мигранттар күп булғанға күрә, бында күпселек был телдең диалектында, шул иҫәптән силхет һәм читтагонг телендә лә аралашалар. Эшҡыуарлыҡ өлкәһендә инглиз теле киң таралған; урду телендә һөйләшкән бик ҙур диаспора бар (рәсми мәғлүмәттәр буйынса, яҡынса 40 мең кеше).

Транспорты[үҙгәртергә | вики-тексты үҙгәртергә]

Даккала рикшалар

Дакка йәмәғәт транспортының мөһим өлөшө булып велорикша һәм моторикшалар ттора; көн һайын 400 мең тирәһе рикша эшкә сыға. Шуға ҡарамаҫтан, был эшмәкәрлек төрөнә тик 85 мең генә рикша лицензияға эйә. Велорикша ҡаланың күп өлөшөндә тыйылған, сөнки улар юл тығынына сәбәпсе булып тора. Автобус паркы дәүләт компаниялары «Bangladesh Road Transport Corporation (BRTC)», шулай уҡ шәхси операторҙар тарафынан хеҙмәтләндерелә.

Дакка — мөһим транспорт үҙәге, ул илдең күп өлөштәрен һәм Һиндостандың күрше төбәктәрен тоташтыра. Дакка порты — донъяла иң ҙур йылға порты; ул ҡаланы Буриганга йылғаһы буйында һәм Ганг дельтаһының башҡа тармаҡтарында илдең эске өлкәләре менән тоташтыра.

Шаһ Джалал исемендәге халыҡ-ара аэропорт (элегерәк — Дакка аэропорты) — илдә иң ҙур һәм иң күп йөклө аэропорт, ҡала үҙәгенән 15 км алыҫлыҡта урынлашҡан. Был аэропортҡа Бангладеш халыҡ-ара һәм эске рейстарының 52 % тура килә.

Мәғарифы[үҙгәртергә | вики-тексты үҙгәртергә]

Даккала 52 университет урынлашҡан,уларҙың иң боронғолары — Dhaka College, ул шулай уҡ Британия Һиндостанында иң боронғо уҡыу йорттарының береһе булып тора; 1840 йылда нигеҙ һалынған. Ошонда уҡ урынлашҡан Бангладештың эре университеты — Дакка Университеты урынлаша, бында 30 меңдән ашыу студент уҡый. Дакканың башҡа мөһим уҡыу йорттары араһында: Jahangirnagar University, Bangladesh University of Engineering and Technology (BUET), The Dhaka Medical College, Sir Salimullah Medical College.

Медиа[үҙгәртергә | вики-тексты үҙгәртергә]

Даккала илдең бер нисә телдә иң ҙур һәм боронғо гәзиттәре сыға, улар араһында: «Daily Ittefaq», «Daily Azad», «Manabzamin», «Daily Janakantha», «Daily Prothom Alo», «Amar Deshi» др. Төп инглиз телле гәзиттәр: «The Daily Star», «The Independent», «New Age» һәм «The Financial Express».

Дакка ҡалаһында Бангладеш дәүләт BTV телевидениеһының штаб-фатиры урынлашҡан. Ҡалалағы шәхси каналдар Bangla Vision, RTV, ATN Bangla, Channel I, NTV, Ekushey Television, Banglavision үҙ эсенә ала. Дәүләт Bangladesh Betar радиостанцияһы һәм Radio Foorti, Radio Today, Radio Amar кеүек шәхси радиостанциялар һәм башҡалар Даккала штаб-фатирҙарына эйә.

Иҫтәлекле урындары[үҙгәртергә | вики-тексты үҙгәртергә]

  • Шаһид-минар — Дакка үҙәгендә һәйкәл, ул 1952 йылда тыныс демонстрация ваҡытында полициялар тарафынан үлтерелгәндәр иҫтәлегенә ҡуйылған.
  • Дакешвари — Бангладешта иң ҙур һәм билдәле индуистар храмы
  • Байтул Мөкәррәм
  • Биби Бинат мәсете
  • Хан Мөхәммәд Мридх мәсете
  • Әрмән Воскресение Сиркәүе
  • Бангладештың милли музейы, унда археология һәм сәнғәт предметтары коллекцияһы һаҡлана

Спорт[үҙгәртергә | вики-тексты үҙгәртергә]

Бангладеш һәм Һиндостан командалары араһында крикет буйынса матч

Крикет һәм футбол — иң популяр спорт төрҙәре[25]. Йәштәр командаларында мәктәп, колледж тәрбиәләнеүселәре һәм шәхси кешеләр уйнай. Mohammedan Sporting Club һәм Abahani Krira Chakra ҡәтғи конкурентлы көрәш алып барған иң билдәле ике футбол командаһы булып тора[26].

Дакка крикет буйынса рәсми беренсе турнир үткәрә, уның барышында 1954 йылда Һиндостан Пакистанға ҡаршы уйнай[27]. Bangabandhu National Stadium милли стадионы элегерәк крикет буйынса эске һәм халыҡ-ара ярыштар өсөн һиндостандың төп стадионы була, ләкин хәҙер унда тик футбол матчы үткәрелә[28]. 2011 йылда һиндостанда, Шри-Ланка һәм Бангладешта крикет буйынса буйынса донъяның X чемпионаты үткәрелә[29] (14 ил-ҡатнашыусы, Һиндостан командаһына алтын эләгә), алты матч Дакала үтә һәм ике матч — Читтагонгта (ҙурлығы буйынса Бангладешта икенсе ҡала (4 миллион кеше)[30]. Даккала Бангладеш Спорт советы урынлашҡан, ул бөтә илдә спорт сараларын үткәреү буйынса булышлыҡ итеү өсөн яуаплы. Дакка шулай уҡ как Sher-e-Bangla Mirpur Stadium (в Mirpur) һәм Dhanmondi Cricket Stadium, шулай уҡ Outer Stadium Ground кеүек стадиондарға эйә, улар башлыса эске ярыштар өсөн файҙаланыла[31]. Дакка университеты ҡаланың юғары уҡыу йорттары араһында күп турнирҙар үткәрә[32].

Иҫкәрмәләр[үҙгәртергә | вики-тексты үҙгәртергә]

  1. ↑ アーカイブされたコピー. Тәүге сығанаҡтан архивланған 28 февраль 2013. 15 август 2009 тикшерелгән.
  2. ↑ Поспелов, 2002, с. 130
  3. ↑ Hasna Jasimuddin Moudud South Asia: Eastern Himalayan Culture, Ecology and People — Dhaka: Academic Press and Publishers, 2001. — ISBN 9840801651.
  4. ↑ Nagendra K. Singh Encyclopaedia of Bangladesh (Hardcover) — Anmol Publications Pvt Ltd, 2003. — Б. 19. — ISBN 8126113901.
  5. ↑ Taru Bahl & M.H. Syed Encyclopaedia of the Muslim World — Anmol Publications PVT, 2003. — Б. 55. — ISBN 8126114193.
  6. ↑ Dhaka.Encyclopedia Britannica(2009).Дата обращения: 23 апреля 2007. Архивировано 25 августа 2011 года.
  7. ↑ Roy, Pinaki Golden past of olden Dhaka.The Daily Star(28 июля 2008).Дата обращения: 21 марта 2009.Архивировано 25 августа 2011 года.
  8. ↑ Francis Bradley Bradley-Birt The Romance of an Eastern Capital — Smith, Elder, & Co, 1906. — Б. 264.
  9. ↑ 9,0 9,1 9,2 Roy, Pinaki Golden past of olden Dhaka. The Daily Star (2008-07-28). Тәүге сығанаҡтан архивланған 25 август 2011. 21 март 2009 тикшерелгән.
  10. ↑ Chowdhury, A.M. Dhaka. Banglapedia (2007-04-23). Тәүге сығанаҡтан архивланған 25 август 2011. 23 апрель 2007 тикшерелгән.
  11. ↑ M. Atiqullah and F. Karim Khan Growth of Dacca City: Population and Area (1608–1981) — Social Science Research Project, University of Dacca Press, 1965. — Б. 6.
  12. ↑ M. Atiqullah and F. Karim Khan Growth of Dacca City: Population and Area (1608–1981) — Social Science Research Project, University of Dacca Press, 1965. — Б. 7.
  13. ↑ H Furumai, F Kurisu & H Katayama Southeast Asian Water Environment 2: Selected Papers from the Second International Symposium on Southeast Asian Water Environment — IWA Publishing, 2008. — Б. 205. — ISBN 1-84339-124-4.
  14. ↑ Mohammad Atiqullah & Fazle Karim Khan Growth of Dacca City: Population and Area, 1608–1981 — University of Dacca, 1965. — Б. 10.
  15. ↑ Richards, JohnCalcutta and Dhaka: A tale of two cities.Inroads(2002).Дата обращения: 27 сентября 2006.
  16. ↑ The Feminist Review Collective Feminist Review (Issue 37) — Routledge, 1991. — Б. 40. — ISBN 0-415-06536-4.
  17. ↑ Timeline: Major tropical cyclones. BBC News (2008-05-05). 17 март 2009 тикшерелгән.
  18. ↑ Srivastava, H. N.; G. D. Gupta Management of natural disasters in developing countries — Centre for Science & Technology of the Non-Aligned and other Developing Countries, 2006. — Б. 14. — ISBN 81-7035-425-0.
  19. ↑ 19,0 19,1 Richards, John Calcutta and Dhaka: A tale of two cities. Inroads (2002). 27 сентябрь 2006 тикшерелгән.
  20. ↑ Archer Blood Transcript of Selective Genocide Telex (PDF). Department of State, United States. Тәүге сығанаҡтан архивланған 30 май 2012. 27 февраль 2009 тикшерелгән.
  21. ↑ Sheren, Syeda Momtaz War of Liberation, The. Banglapedia: National Encyclopedia of Bangladesh. Тәүге сығанаҡтан архивланған 24 ғинуар 2007. 21 март 2009 тикшерелгән.
  22. ↑ United Nations Human Settlements Program, United Nations Human Settlements Program Enhancing Urban Safety and Security: Global Report on Human Settlements 2007 — Earthscan (инг.)баш., 2007. — Б. 184. — ISBN 1-84407-479-X.
  23. ↑ 23,0 23,1 Weatherbase: Historical Weather for Dhaka, Bangladesh. weatherbase.com. Тәүге сығанаҡтан архивланған 25 август 2011. 15 декабрь 2008 тикшерелгән.
  24. ↑ 24,0 24,1 Our Cities: 15th Anniversary Special. The Daily Star. Тәүге сығанаҡтан архивланған 2 март 2007. 27 сентябрь 2006 тикшерелгән.
  25. ↑ Bangladesh // The New Encyclopaedia Britannica / Robert MacHenry — Encyclopaedia Britannica, 1993. — Б. 717. — ISBN 0852295715.
  26. ↑ Al Musabbir Sadi Tasty derby drawn. The Daily Star (2007-06-17). Тәүге сығанаҡтан архивланған 25 август 2011.
  27. ↑ Cricinfo.Stadium (7 сентября 2006).Дата обращения: 26 мая 2006.Архивировано 25 августа 2011 года.
  28. ↑ Cricinfo Stadium (2006-09-07). Тәүге сығанаҡтан архивланған 25 август 2011. 26 май 2006 тикшерелгән.
  29. ↑ Чемпионат мира по крикету 2011
  30. ↑ India lands 2011 World Cup final, BBC News (8 июль 2006). 9 июль 2006 тикшерелгән.
  31. ↑ Cricinfo Grounds – Bangladesh: Dhaka. Тәүге сығанаҡтан архивланған 25 август 2011. 13 март 2008 тикшерелгән.
  32. ↑ Muhammad Abdur Rahim The History of the University of Dacca — University of Dacca, 1981. — Б. 161.

Әҙәбиәт[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]

 * Столицы мира — Дакка. Тәүге сығанаҡтан архивланған 12 август 2009.

commons: Дакка Викимилектә
n: Дакка Викияңылыҡтарҙа
https://ba.wikipedia.org/w/index.php?title=Дакка&oldid=1096123 ҡабул ителгән