Проект:Фән һәм мәғрифәт йылы

«Фән һәм мәғрифәт йылы» википроекты — йыл викимарафоны. Бөтә донъя башҡорттары ҡоролтайы иғлан иткән «Фән һәм мәғрифәт йылы» проектының бер өлөшө. Башҡорт Википедияһында, Башҡорт Викидәреслегендә, күп телле Викидатала һәм Викимилектә 2023 йыл дауамында тормошҡа ашырыла. Интернет киңлегендә башҡорт телендәге сифатлы мәғлүмәттең күләмен арттырыу, вики проекттар эшмәкәрлегенә район, ҡала, Рәсәй төбәктәре, сит ил ҡоролтайҙарын, башҡорт милли ойошмаларын йәлеп итеү, ирекмен мөхәррирҙәр иҫәбен күбәйтеү маҡсатында ойошторола. Проектты тормошҡа ашырыу барышында билдәләнгән темаларға яңы мәҡәләләр яҙыу һәм тулыландырыу, дөйөм базала элементтар (структураланған яҙмалар) яһау һәм аныҡлау, Викимилеккә фоторәсемдәр тейәү башҡарыла.

Ойоштороусылар[вики-тексты үҙгәртергә]

Бөтә донъя башҡорттары ҡоролтайы башҡарма комитеты

Куратор

«Башҡортостан викимедиасылары» төркөмө

Әйҙәүселәр — Рөстәм Нурыев

Календарь план[вики-тексты үҙгәртергә]

30 октябргә тиклем яҙылған һәм тулыландырылған мәҡәләләр, исемлектәр викимарафон иҫәбенә ҡабул ителә. Ноябрь айында эшмәкәрлеккә йомғаҡ яһала һәм Бөтә донъя башҡорттары ҡоролтайының дөйөм йомғағына индерелә.

Мәҡәләләр тураһында[вики-тексты үҙгәртергә]

«Фән һәм мәғрифәт йылы» йыл викимарафонында тәҡдим ителгән темалар буйынса эшләнгән эштәр проект иҫәбенә алына. Викимарафонда ҡатнашҡан ойошмалар үҙҙәренең эштәрен иҫәп таблицаһында теркәй.

Википедия мәҡәләләренә талаптар

1 ғинуарҙың 00:00 минутынан (Өфө ваҡыты менән) башлап 1 ноябрҙең 00:00 минутына тиклем яҙылған (тулыландырылған) мәҡәләләр викимарафон иҫәбенә ҡабул ителә.
Яңы яҙылған йәки тулыландырылған мәҡәләнең күләм кәмендә 2000 байт һәм төп тексы (һүрәттәрҙән, әҙәбиәт исемлегенән, һылтанма һәм иҫкәрмәләрҙән башҡа) 150 һүҙҙән артыҡ булырға тейеш.
Мәҡәлә темаһы викимарафон тәҡдим иткән темаларға тап килергә тейеш. Эш планы менән тәҡдим ителгән мәҡәләләрҙе яҙыу (тулыландырыу) урынлы. Әммә, сикләүҙәр юҡ, темаға тура килгән башҡа мәҡәлә лә яҙырға (тулыландырырға) мөмкин.
Википедия мәҡәләләре нәшер ителгән сығанаҡтарҙағы мәғлүмәткә нигеҙләнеп яҙыла. Уларҙы һөйләмгә иҫкәрмә ҡуйып һәм мәҡәләнең «Иҫкәрмәләр» бүлегендә күрһәтергә кәрәк. Шулай уҡ «Сығанаҡтар» бүлегендәге исемлеккә лә яҙыу талап ителә. Рәсми нәшер ителмәгән мәғлүмәтте Викидәреслек проектындағы мәҡәләләрҙә яҙыу урынлы.
Сығанаҡтарҙағы мәғлүмәтте һүҙмә-һүҙ күсереп яҙырға ярмай, тексты яңы иншала, факттарҙы боҙмай яҙыу урынлы.
Етешһеҙлектәр тураһында ҡалыптар (мәҫәлән, {{АХБ}}, {{орисс}}, {{Һылтанмалар юҡ}} һ.б.) булмаҫҡа тейеш.

Викидәреслек мәҡәләләренә талаптар

1 ғинуарҙың 00:00 минутынан (Өфө ваҡыты менән) башлап 1 ноябрҙең 00:00 минутына тиклем яҙылған (тулыландырылған) мәҡәләләр викимарафон иҫәбенә ҡабул ителә.
Рәсми нәшер ителмәгән мәғлүмәтте (әйтәйек, оло кешеләрҙән яҙып алған хәтирәләрҙе) Викидәреслек проектындағы мәҡәләләрҙә яҙыу урынлы.

Викидата элементтарына талаптар

1 ғинуарҙың 00:00 минутынан (Өфө ваҡыты менән) башлап 1 ноябрҙең 00:00 минутына тиклем яҙылған (туландырылған) Викидата элементтары викимарафон иҫәбенә ҡабул ителә.

Фоторәсемдәргә талаптар

1 ғинуарҙың 00:00 минутынан (Өфө ваҡыты менән) башлап 1 ноябрҙең 00:00 минутына тиклем Викимилеккә йәки Википедияның һәм Викидәреслектең башҡорт бүлегенә тейәлгән фоторәсемдәр викимарафон иҫәбенә ҡабул ителә. Фоторәсемдәрҙе тейәүсе үҙе төшөргән булырға тейеш, улар ирекле лицензия менән ҡуйыла.

Тәҡдим ителгән эш темалары[вики-тексты үҙгәртергә]

Мәғрифәтселәр исемлектәре[вики-тексты үҙгәртергә]

Белем биреү учреждениларында эшләгән мәғрифәтселәр исемлектәрен Башҡорт Википедияһында төҙөргә тәҡдим ителә. Һәр уҡыу йәки тәрбиә йорто буйынса айырым исемлектәр төҙөү урынлы. Өлгө өсөн Ләмәҙтамаҡ мәктәбе уҡытыусылары исемлеген ҡарағыҙ.

Мәғрифәтселәр[вики-тексты үҙгәртергә]

Мәғрифәтселәр тураһында тулы йөкмәткеле энциклопедия мәҡәләләрен яҙып Башҡорт Википедияһына, ә публицистик мәҡәләләр, очерктар, эсселарҙы Викидәреслеккә ҡуйырға тәҡдим ителә.

Фән һәм мәғариф ойошмалары[вики-тексты үҙгәртергә]

Мәктәптәр, махсус урта һәм юғары уҡыу йорттары, ғилми ойошмалар тураһындағы мәҡәләләрҙе яҙып йәки тулыландырып Башҡорт Википедияһына ҡуйырға тәҡдим ителә.

Мәғариф системаһы дисциплиналары буйынса мәҡәләләр[вики-тексты үҙгәртергә]

Мәғариф системаһы дисциплиналары буйынса мәҡәләләр исемлеге

Башҡорт әҙәбиәте буйынса мәҡәләләр[вики-тексты үҙгәртергә]

Башҡорт әҙәбиәте фәне буйынса федераль дәүләт стандарттарына ярашлы төрлө синыфтарҙа уҡытылған әҫәрҙәр тураһында мәҡәләләр яҙырға тәҡдим ителә.

1000 һәм 10000 мәҡәлә[вики-тексты үҙгәртергә]

Тәҡдим ителгән 1000 һәм 10000 әһәмиәтле мәҡәлә исемлегенәдәге яҙылмаған йәки тулыландырылмаған мәҡәләләрҙе яҙып һәм тулыландырып Башҡорт Википедияһына ҡуйырға тәҡдим ителә.

Ҡатнашыусылар тураһында[вики-тексты үҙгәртергә]

Викимарафонда Башҡорт Википедияһында теркәлгән, теләге һәм һәләте булған һәр кем ҡатнаша ала;
Йәш сикләүҙәре юҡ;
Һәр ҡатнашыусы бер йәки бер нисә район, ҡала, төбәк ойошмалары командаһы иҫәбендә ҡатнаша ала. Әммә, бер эш бер ойошма иҫәбенә генә алына, бер үк эште бер нисә ойошма иҫәбенә ҡуйыу тыйыла.