Ҡарт (ауыл)

Ҡарт
Дәүләт	Рәсәй
Административ-территориаль берәмек	Татарско-Суксинское сельское поселение[d]
Почта индексы	423736

Ҡарт (татар. Карт, рус. Картово) — Рәсәй Федерацияһы Татарстан Республикаһы Аҡтаныш районы ауылы.

География

Ауыл Ҡарт йылғаһы (Түбәнге Кама һыуһаҡлағысы) буйында, Аҡтаныш ауылынан көнбайышҡа табан 27 км алыҫлыҡта урынлашҡан.

Тарих

Ауылға йәнәй ырыуы башҡорттары 1815 йылда нигеҙ һала — 10 ихата Ҡыр-Ҡайынтүбә ауылынан, 5 ихата Ҡәҙермәт ауылынан, 3 ихата Теләнсе ауылынан килеп төпләнә. Ауыл Йәнәй улусының Ҡамбар түбәһенә ҡарай, һуңыраҡ был улус Ырымбур губернаһы Минзәлә өйәҙенә ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл Семиострово (Ушар) улусы составына керә.

1840 йылда ауылда тирмән, икмәк магазины, 1848 йылда — мәсет теркәлгән.

1920 йылда ауыл яңы ойошторолған Татар АССР-ының Минзәлә кантоны составына керә. 1930 йылдан Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составында була.

Халҡы

1816 йылда ауылда 105 башҡорт, 1834 йылда — 132 башҡорт, 1870 йылда — 180 башҡорт, 1912 йылда — 340 аҫаба башҡорт иҫәпләнгән.

Йылдар буйынса халыҡ иҫәбе
(Сығанаҡ: )

1816	1834	1859	1870	1884	1906	1913	1920	1926	1938	1949	1958	1970	1979	1989	2002
105	132	205	180	245	527	340	275	307	329	234	259	280	236	174	160

Билдәле шәхестәре

• Әбделҡадир Миңлебай улы Ҡамбаров — хәрби эшмәкәр. 6-сы Башҡорт полкы составында 1812 йылғы Ватан һуғышында ҡатнашыусы.

Иҫкәрмәләр

.