Иҫке Әлим

Ауыл
Иҫке Әлим татар. Иске Әлем
Ил	РәсәйРәсәй
Федерация субъекты	Татарстан
Муниципаль район	Аҡтаныш
Ауыл биләмәһе	Яңы Әлим
Координаталар	55°38′ с. ш. 54°02′ в. д.
Халҡы	187 человек (2008)
Милли состав	татарҙар
Сәғәт бүлкәте	UTC+4
Почта индексы	423762
Һанлы танытмалар
Автомобиль коды	-
Код ОКАТО	922 058 340 02
Код ОКТМО	92 605 434 106
Иҫке Әлим

Иҫке Әлим — Рәсәй Федерацияһы Татарстан Республикаһының Аҡтаныш районындағы ауыл. Яңы Әлим ауыл биләмәһе составына керә.

География

Ауыл Бәжәҙә йылғаһы буйында, Аҡтаныш ауылынан көньяҡҡа табан 12 км алыҫлыҡта урынлашҡан.

Тарих

Иҫке Әлим — ҡырғыҙ ырыуы башҡорттарының ауылы. 1738 йылдан билдәле. 11-се башҡорт кантоны, Ырымбур губернаһы Минзәлә өйәҙе Ҡырғыҙ улусы Байсар түбәһенә ҡарай, 1865 йылда был өйәҙ Өфө губернаһына инә. 1866 йылда ырыу улустары бөтөрөлгәс, ауыл Аҡтаныш улусы составына керә.

1773—1775 йылдарҙағы Крәҫтиәндәр һуғышы осоронда ауыл халҡы Е. И. Пугачёв яғында әүҙем сығыш яһай.

ХХ быуат башында бакалея кибете, хужалыҡ магазины, тирмән, 2 мәсет, мәктәп теркәлгән.

1920 йылдан Татар АССР-ының Минзәлә кантоны, 1930 йылдан — Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составына керә.

Халҡы

1795 йылда ир енесле 88 башҡорт тархандары; 1816 йылда — 99 башҡорт, 28 типтәр; 1848 йылда — 207 башҡорт, 42 типтәр; 1870 йылда — 399 башҡорт; 1912 йылда — 746 аҫаба башҡорт, 33 типтәр (керҙәштәр) йәшәй.

Йылдар буйынса халыҡ иҫәбе
(Сығанаҡ: )

1870	1884	1897	1906	1913	1920	1926	1938	1949	1958	1970	1979	1989	2002	2008
399	479	516	620	779	821	616	626	348	346	477	377	274	185	187

Инфраструктура

Игенселек, малсылыҡ үҫешкән. Мәктәп, клуб, китапхана, мәсет бар.

Билдәле шәхестәре

• Әбсәләмов Зөбәйер Мөҙәй улы — зауряд-сотник. 19-сы башҡорт полкы составында 1812 йылғы Ватан һуғышында ҡатнашыусы, «1812 йыл иҫтәлегенә» көмөш миҙалы кавалеры.