Түбәнге Мәмбәт
| Түбәнге Мәмбәт | |
| Нигеҙләү датаһы | 1816 |
|---|---|
| Дәүләт |
 Рәсәй империяһы Башҡортостан Республикаhы Баймаҡ районы |
| Ғәмәлдән сыҡҡан дата | 1959 |
Түбәнге Мәмбәт (рус. Нижнее Мамбетово) — бөткән ауыл. Башҡортостандың Баймаҡ районы Ишмырҙа ауыл Советына ҡараған ауыл[1]. 1816 йылда нигеҙлгән, 1959 йылда ғәмәлдән сыҡҡан[2].
Исеменең килеп сығышы
[үҙгәртергә | сығанаҡты үҙгәртеү]Ауылдың атамаһы (антропоним[3]) тәүге төпләнеүсе Мәмбәт Әбдрәшитовтың исеменән алынған[1].
Географик урыны
[үҙгәртергә | сығанаҡты үҙгәртеү]Түбәнге Мәмбәт ауылы район үҙәге Баймаҡтан — 14 км, Ишмырҙа ауылынан 6 км алыҫлыҡта[4] Таналыҡ йылғаһының ҡушылдығы Ыуарыш йылғаһы буйында урынлашҡан булған. Ауыл эргәһенән Баймаҡ-Йылайыр автотрассаһы үткән[1].
Тарихы
[үҙгәртергә | сығанаҡты үҙгәртеү]19-сы быуаттың беренсе яртыһында нигеҙләнгән. Мырҙаҡай, Йомаш һәм Ярат ауылдарынан 1816 йылда Мәмбәт ауылына нигеҙ һалалар. Тәүге төпләнеүсеһе Мәмбәт Әбдрәшитов булған[2]. Уның менән бергә балалары һәм ейәндәре күсенгән. Ауыл халҡы ғәҙәттәгесә малсылыҡ менән шөғөлләнә, шулай уҡ иген сәсәләр. Бынан тыш Ыуарыш руднигында төҫлө металдар мәғдәнен сығарыу эшендә булалар[1]. 1920 йылда ике Мәмбәт ауылы күрһәтелә: Үрге һәм Түбәнге Мәмбәт. Түбәнге Мәмбәттә ул осорҙа 48 йортта 339 кеше йәшәгән[2]. Ишмырҙа ауыл Советына Ишмырҙа, Богачевка, Үрге һәм Түбәнге Мәмбәт ауылдары, Байҡара рудниктары, Әбей-һаҙы инә. Һуңғараҡ Үрге һәм Түбәнге Мәмбәт ауылдары Аҡморон ауыл Советы составына тапшырыла. 1930-сы йылдарҙың аҙағында тимер мәғдәненең һаҡламдары бөтә һәм рудник ябыла. Ауыл халҡы Үрге Мәмбәткә һәм башҡа эргә-тирәләге ауылдарға күсә[1]. Хәҙерге ваҡытта Үрге Мәмбәт ауылы билдәле, үҙгәртеп ҡороуға тиклем әлеге ауыл «Баймаҡ» совхозына инә. 1959 йылда Түбәнге Мәмбәт ауылы иҫәп мәғлүмәттәренән алына[1].
Иҫкәрмәләр
[үҙгәртергә | сығанаҡты үҙгәртеү]- ↑ 1,0 1,1 1,2 1,3 1,4 1,5 Ред.составитель А. Багуманов. Баймакский край. Краеведческое и энциклопедическое издание. — Уфа: Башкирское книжное издательство, 2002. — 332 с. — ISBN 5-295-03157-8. 131 бит
- ↑ 2,0 2,1 2,2 Асфандияров А. З. История сёл и деревень Башкортостана и сопредельных территорий. — Өфө: Китап, 2009. — С. 92. — ISBN 978-5-295-04683-4.
- ↑ БАШКОРТ АССР-ының ТОПОНИМДӘР ҺҮҘЛЕГЕ/ 110 б.
- ↑ Административно-территориальное деление Башкирской АССР (на 1 июня 1952 г.). — Башкирское книжное издательство, Уфа, 1953. C.289
Һылтанмалар
[үҙгәртергә | сығанаҡты үҙгәртеү]- Ред.составитель А. Багуманов. Баймакский край. Краеведческое и энциклопедическое издание. — Уфа: Башкирское книжное издательство, 2002. — 332 с. — ISBN 5-295-03157-8.
- «Урал батыр» эпосы яҙып алынған ерҙә
Әҙәбиәт
[үҙгәртергә | сығанаҡты үҙгәртеү]- Административно-территориальное деление Башкирской АССР (на 1 июня 1952 г.). — Башкирское книжное издательство, Уфа, 1953. C.284
- БАШКОРТ АССР-ының ТОПОНИМДӘР ҺҮҘЛЕГЕ
- Асфандияров А. З. История сёл и деревень Башкортостана и сопредельных территорий. — Өфө: Китап, 2009. — С. 92. — ISBN 978-5-295-04683-4.
|
Портал «Башҡортостан ауылдары» |
|---|---|
|
Башҡортостан Республикаһы Законы (№ 22-з, 16 июль, 2008 йыл.) Викикитапханала |
|
Проект «Башҡортостан ауылдары» |
.png)