Мулдаҡкүл

Мулдаҡкүл
	Озеро
Мулдаҡкүл
Морфометрия
Абсолют бейеклеге	406 м
Үлсәме	3,1 × 2,0 км
Майҙаны	6,2 км²
Күләме	13,1 км³
Иң тәрән урыны	2,5 м
Уртаса тәрәнләк	2,1 м
Бассейн
Площадь бассейна	49,6 км²
Урынлашыуы
	53°27′03″ с. ш. 58°47′08″ в. д.HGЯO
Ил	Рәсәй Федерацияһы;
РФ субъекты	Башҡортостан
Идентификаторы
	Код в ГВР: 12010000311112200000568
	Мулдаҡкүл
	Мулдаҡкүл
	Мулдаҡкүл Викимилектә

Мулдаҡкүл (Мулда́к; башҡ. Мулдаҡ күл). Урындағы халыҡ телендә — Тоҙлокүл. Башҡортостандың Әбйәлил районында урынлашҡан йомоҡ тоҙло күл.

Атамаһы

Мулдаҡкүлде урындағы халыҡ Тоҙлокүл тип йөрөтә.

Күлдең атамаһы буйынса түбәндәге легенда йәшәй. Хәлле һәм абруйлы ир уҙаманының ҡыҙы ярлы егеткә ғашиҡ була. Атаһы ҡыҙын фәҡирлек яҙмышына дусар иткеһе килмәй, йәштәрҙең саф хистәрен бер ҙә аямай, тиң булмаған никахҡа ҡаршы була. Ғашиҡтар ҡасып китергә ҡарар итә, ләкин ҡыҙ атаһының һаҡсылары уларҙы ҡыуып етә. Егетте үлтерәләр, һәм ул дала уртаһында бейек Мулдаҡтау булып ҡалҡа. Һөйгән йәрен юғалтҡн бәхетһеҙ ҡыҙ бик оҙаҡ күҙ йәштәрен түгә һәм тоҙло Мулдаҡкүлгә әйләнә.

Географияһы

Магнитогорск ҡалаһынан көнбайышҡа ҡарай 15 км йыраҡлыҡта, Мулдаҡтау янында, Озерный (Әбйәлил районы) ауылы эргәһендә ята.

Мулдаҡ Йәнгел менән Кесе Ҡыҙыл йылғалары араһындағы һыуайырғыста урынлашҡан.

Күлдең һөҙәк ярҙарында тоҙло тупраҡҡа яраҡлашҡан үҫемлектәр: һимеҙут (солерос), татырут (бескильница), һыу боросо, ҡаҙ үләне, европа һимеҙуты, ҡамыш үҫә. Тоҙ күплектән урман бик һирәк.

Ярҙың айырым урындарында һыу төбөндә шифалы тоҙло ләм тупланмалары бар. Шулар нигеҙендә «Яҡтыкүл» шифаханаһы төҙөлгән. Был ләмде Башҡортостандың күп кенә башҡа шифаханалары ла файҙалана.

Күл карст сығышлы. Карбон тау тоҡомдарында (аргиллит ҡатламдары булған эзбизташ) барлыҡҡа килгән. Төньяҡ- көньяҡ йүнәлешендә һуҙылған йоморо симметрик соҡор эсендә урынлашҡан.

Төбө ләмле. Йомоҡ күл. Минераль ләмдең дөйөм күләме сама менән 1 млн т тирәһе. Тулыланыу сығанағы — ҡатнаш. Һыуы тоҙло. Хлорид-магнийлы (12,6 г/л).

Мезотроф күл, йәғни, биоген элементтарға бай. Ярҙары һөҙәк, ҡомло. Ландшафты — еҙүлән-ҡылғанлы дала.

Реестр күрһәткестәре

РФ биләмәләрендә һыу хужалыҡтарын районлаштырыу буйынса Һыу ресурстары Федераль агентстлығы әҙерләгән геомәғлүмәт системаһы күрһәткестәре^[1]:

Һыу объектының коды 12010000311112200000568
Гидрологик өйрәнелеү (ГӨ) буйынса коды 212200056
Бассейн коды — 01.05.00.001
(ГӨ) 12 буйынса том номеры
(ГӨ) 2 буйынса сығарылыш

Иҫкәрмәләр

↑ РФ-ың дәүләт һыу реестры : Мулдаҡкүл (билдәһеҙ). Архивировано 27 август 2012 года.

Һылтанмалар

[1] 2016 йыл 21 апрель архивланған.
Мулдаҡкүл тураһында легенда

Әҙәбиәт

Газета «Выбор» № 118—119 (10044-10045) от 11.08.2015. Статья «Край тысячи озёр».

[МПР_России-1] РФ-ың дәүләт һыу реестры : Мулдаҡкүл (билдәһеҙ). Архивировано 27 август 2012 года.

[1]