Алатау (Уралдағы тау һырты)

Википедия — ирекле энциклопедия мәғлүмәте
Перейти к навигации Перейти к поиску
Алатау
Дәүләт Flag of Russia.svg Рәсәй
Административ-территориаль берәмек Башҡортостан Республикаhы
Диңгеҙ кимәленән бейеклек 845,5 метр
Оҙонлоҡ 40 километр
Киңлек 5 километр

Алата́у (башҡ. АлатауАлатау) — Көньяҡ Уралда, Башҡортостандың Ишембай һәм Белорет райондары территорияһындағы урманлы тау һырты.

Алатау һырты — Башҡорт Уралындағы һырты, меридиаль рәүештә Үрек (Нөгөшкө ҡоя) йылғаһының үрге ағымынан Оло Шешәнәк (Еҙем йылғаһы ҡушылдығы) йылғаһы тамағына тиклем һуҙыла.

Алатау атамаһының башҡорт һәм башҡа төрки телдәренән урыҫ теленә тәржемәһе «пёстрые горы» була.

Оҙонлоғо — 40 км, киңлеге — 5 километрға тиклем, бейеклеге — 845 метр. Һыртта 7 ялпаҡ түбә бар, көньяҡта — һырт исемендәге Алатау бейеклеге (657,4 метр).

Һырт үрге рифейҙың Елмерҙәк свитаһы кварц-ҡомташынан тора.

Һырттың ландшафы: итәгендә — төрлө үләндәр, юғарыраҡ — ҡарағай-аҡҡайын урманы, 550 метр бейеклектән — ҡарағай-киң япраҡлы урман (йүкә, ҡарама, имән). XVIII быуаттың икенсе яртыһынан урманды Вознесен (Ырғыҙлы) заводы файҙалана, киләсәкте уйламайынса ағас ҡырҡыу Алатау һыртындағы ағас төрҙәренең составына кире йоғонто яһай: ылыҫлы урман урынына түбән сортлы уҫаҡ һәм аҡҡайын урмандары ҡалҡып сыға[1].

Һырт аша Маҡар — Ҡолғона (Р316-сы участка) юлы үтә.

Иҫкәрмәләр[үҙгәртергә | вики-тексты үҙгәртергә]

  1. Хребет Алатау // Энциклопедия Башкортостана

Һылтанмалар[үҙгәртергә | вики-тексты үҙгәртергә]

Топографик картаһы[үҙгәртергә | вики-тексты үҙгәртергә]